ദക്ഷിണ കൊറിയൻ ടീമംഗം ചോ ഗ്യു സങ്. ഇരുപത്തിനാലുകാരൻ സ്ട്രൈക്കർ ഖത്തറിലെത്തുമ്പോൾ ഇൻസ്റ്റഗ്രാമിലുണ്ടായിരുന്നതു വെറും 20,000 ഫോളോവേഴ്സ്
ലോകകപ്പിൽ ചോയുടെ മിന്നുന്ന പ്രകടനം കണ്ടതോടെ ആരാധകരുടെ എണ്ണം 18 ലക്ഷമായി കുതിച്ചുയർന്നു.
ചോയെ വിവാഹം കഴിക്കണമെന്ന ആവശ്യവുമായി ആയിരക്കണക്കിനു സന്ദേശങ്ങൾ കൂടി വരാൻ തുടങ്ങിയതോടെ മൊബൈൽ ഫോൺ ഓഫാക്കി വയ്ക്കേണ്ട ഗതികേടിലായി താരം.
ഈശ്വരാ... പാവത്തുങ്ങൾക്ക് ഇത്രയും സൗന്ദര്യം തരല്ലേ...’’ എന്ന് സിനിമാ ഡയലോഗിൽ പറഞ്ഞതു പോലെയുള്ള അവസ്ഥയിലാണ് താരം.
ഘാനയ്ക്കെതിരെ നടന്ന മത്സരത്തിൽ 3 മിനിറ്റിനിടെ 2 ഗോൾ നേടിയതോടെയാണ് ചോയോടുള്ള ആരാധന പരകോടിയിലെത്തിയത്.