മൊറോക്കോ സ്ട്രൈക്കർ യൂസഫ് അൻ നസീരി കുറിച്ച ഹെഡർ ഗോൾ പിന്നിലാക്കിയത് പോർച്ചുഗലിനെ മാത്രമല്ല അവരുടെ ക്യാപ്റ്റൻ ക്രിസ്റ്റ്യാനോ റൊണാൾഡോയുടെ പേരിലുള്ള ഉയരം കൂടിയ രണ്ടാമത്തെ ഹെഡർ ഗോൾ എന്ന റെക്കോർഡിനെയുമാണ്.

പോർച്ചുഗൽ ഗോൾകീപ്പർ ഡിയോഗോ കോസ്റ്റയെ കബളിപ്പിച്ച് പന്ത് വലയിലെത്തിക്കാൻ അൻ നസീരി കുതിച്ചുയർന്ന ഉയരം 2.78 മീറ്ററാണ്.

യുവന്റസിനു വേണ്ടി കളിക്കുന്ന കാലത്ത് സാംപ്ദോറിയയ്ക്കെതിരെ നടന്ന സീരി എ മത്സരത്തിൽ ക്രിസ്റ്റ്യാനോ 2.56 മീറ്റർ ഉയർന്നു ചാടി നേടിയ ഗോളായിരുന്നു നിലവിലെ ഉയർന്ന ഹെഡറുകളുടെ പട്ടികയിൽ രണ്ടാം സ്ഥാനത്ത്.

അൻ നസീരി ഈ ഗോൾ നേടുമ്പോൾ ക്രിസ്റ്റ്യാനോ പകരക്കാരുടെ ബെഞ്ചിലിരുന്ന് കളി കാണുകയായിരുന്നു.

2012–13 സീസണിൽ മാഞ്ചസ്റ്റർ യുണൈറ്റഡിനെതിരെ റയൽ മഡ്രിഡിനായി ക്രിസ്റ്റ്യാനോ നടത്തിയ 2.93 മീറ്റർ ഉയരത്തിലുള്ള ചാട്ടമാണ് അത്യുന്നത ഹെഡർ ഗോളുകളുടെ പട്ടികയി‍ൽ ഒന്നാമത്.