ഫുട്ബോളിന്റെ കടിഞ്ഞാൺ മെസ്സിയിൽ നിന്ന് എംബപെ ഏറ്റെടുക്കും
ഞായറാഴ്ച ലുസെയ്ൽ സ്റ്റേഡിയത്തിൽ നടക്കുന്ന അർജന്റീന– ഫ്രാൻസ് ഫൈനലിൽ ആരു കിരീടം നേടിയാലും ഒരു കാര്യം ഉറപ്പാണ്. ലോകഫുട്ബോളിന്റെ കടിഞ്ഞാൺ മെസ്സിയുടെ തലമുറയിൽനിന്ന് എംബപെയുടെ തലമുറ ഏറ്റെടുക്കും.
ഫൈനൽ ലോകകപ്പിൽ തന്റെ അവസാന മത്സരമാകുമെന്ന് മെസ്സി പ്രഖ്യാപിച്ചു കഴിഞ്ഞു.
മെസ്സിയും ക്രിസ്റ്റ്യാനോ റൊണാൾഡോയും ഉൾപ്പെടുന്ന തലമുറ രാജ്യാന്തര കരിയറിൽ അസ്തമയത്തിലേക്കു നടന്നടുക്കുമ്പോൾ, അവർ പിന്നിട്ട ഉയരങ്ങൾ എത്തിപ്പിടിക്കാൻ പ്രതിഭയുള്ള താരമാണെന്ന് ഫ്രഞ്ച് ക്ലബ് പിഎസ്ജിയിൽ മെസ്സിയുടെ സഹതാരം കൂടിയായ എംബപെ ഇതിനകം തെളിയിച്ചു കഴിഞ്ഞു.
5 ലോകകപ്പുകളിൽ കളിച്ച മെസ്സി ഇതിനു മുൻപ് 2014ൽ ഫൈനൽ കളിച്ചിട്ടുണ്ട്.