കൊച്ചി ബ്ലൂ സ്പൈക്കേഴ്സിന് പ്രൈം വോളിബോൾ ലീഗിൽ പരാജയം.

പോയിന്റ് പട്ടികയിൽ മുന്നിലുള്ള അഹമ്മദാബാദ് ഡിഫൻഡേഴ്സ് കൊച്ചിയെ കീഴടക്കി സെമിയിൽ കടന്നു. സ്കോർ: 15–5, 11–15, 9–15, 15–12, 15–14.

അഹമ്മദാബാദിനെതിരെ ആദ്യ സെറ്റിൽ അതിവേഗം കീഴടങ്ങിയ കൊച്ചി ടീം ആരാധകരിൽ പ്രതീക്ഷയുണർത്തി രണ്ടും മൂന്നും സെറ്റുകൾ നേടി.

എന്നാൽ, ഒപ്പത്തിനൊപ്പം പൊരുതിയ ആതിഥേയരെ നിരാശരാക്കി നിർണായകമായ നാലും അഞ്ചും സെറ്റ് നേടി അഹമ്മദാബാദ് വിജയമുറപ്പിച്ചു.

അഹമ്മദാബാദിന്റെ നന്ദഗോപാൽ സുബ്രഹ്മണ്യൻ കളിയിലെ താരമായി. ആറു മത്സരം പൂർത്തിയാക്കിയ കൊച്ചിയുടെ അഞ്ചാം തോൽവിയാണിത്.