ജംഷഡ്പൂർ എഫ്സിയെ തോൽപിച്ച് ബെംഗളൂരു എഫ്സി സൂപ്പർ കപ്പ് ഫൈനലിൽ. സെമി പോരാട്ടത്തിൽ എതിരില്ലാത്ത രണ്ടു ഗോളുകൾക്കായിരുന്നു ബെംഗളൂരു എഫ്സിയുടെ വിജയം.
രണ്ടാം സെമിയിൽ ഒഡിഷ– നോർത്ത് ഈസ്റ്റ് മത്സരത്തിലെ വിജയികളാകും ഫൈനലിൽ ബെംഗളൂരുവിന്റെ എതിരാളികൾ.
ജയേഷ് റാണെ (67), ക്യാപ്റ്റൻ സുനിൽ ഛേത്രി (83) എന്നിവരാണ് ജംഷഡ്പൂരിനെതിരെ ഗോളുകൾ നേടിയത്.
ബെംഗളൂരു ഗോൾ കീപ്പർ ഗുർപ്രീത് സിങ് സന്ധുവിന്റെ ഗംഭീര പ്രകടനവും ജംഷഡ്പൂരിന് തിരിച്ചടിയായി.