ഐസിസി ടെസ്റ്റ് ബോളർമാരുടെ റാങ്കിങ്ങിൽ ഇന്ത്യൻ സ്പിന്നർ ആര്‍. അശ്വിൻ വീണ്ടും ഒന്നാം സ്ഥാനത്ത്

ഇന്ത്യൻ താരം ജസ്പ്രീത് ബുമ്രയെ പിന്തള്ളിയാണ് അശ്വിൻ ഒന്നാം സ്ഥാനത്തേക്കു കുതിച്ചത്.

ധരംശാല ടെസ്റ്റിൽ ഇംഗ്ലണ്ടിനെതിരെ അശ്വിൻ ഒൻപതു വിക്കറ്റുകൾ വീഴ്ത്തിയിരുന്നു.

പരമ്പരയിൽ ആകെ 26 വിക്കറ്റുകളാണു താരം നേടിയത്.

കഴിഞ്ഞ ജനുവരിയിലാണ് അശ്വിനെ പിന്തള്ളി ജസ്പ്രീത് ബുമ്ര ബോളർമാരുടെ റാങ്കിങ്ങിൽ ഒന്നാം സ്ഥാനത്തെത്തിയത്.

പുതിയ റാങ്കിങ് പ്രകാരം അശ്വിൻ ഒന്നാമതും ബുമ്ര മൂന്നാം സ്ഥാനത്തുമാണ്.

അശ്വിന്റെ കരിയറിലെ നൂറാം ടെസ്റ്റായിരുന്നു ധരംശാലയിലേത്.