ജോസ് ബട്‌ലറുടെ അപരാജിത സെഞ്ചറിയിൽ രാജസ്ഥാൻ റോയൽസിന് ഐപിഎൽ 17–ാം സീസണിൽ തുടർച്ചയായ നാലാം ജയം
സ്വന്തം തട്ടകത്തിൽ നടന്ന മത്സരത്തിൽ റോയൽ ചാലഞ്ചേഴ്സ് ബെംഗളൂരുവിനെ 6 വിക്കറ്റിനാണ് രാജസ്ഥാൻ തോൽപിച്ചത്.
സ്കോർ: ബെംഗളൂരു 20 ഓവറിൽ 3ന് 183. രാജസ്ഥാൻ 19.1 ഓവറിൽ 4ന് 189.
കാമറൂൺ ഗ്രീൻ എറിഞ്ഞ 20–ാം ഓവറിലെ ആദ്യ പന്ത് സിക്സറിനു പറത്തി രാജസ്ഥാന്റെ ജയവും തന്റെ ആറാം ഐപിഎൽ സെ‍ഞ്ചറിയും ഉറപ്പാക്കിയ ബട്‌ലറാണ് പ്ലെയർ ഓഫ് ദ് മാച്ച്.
ജോസ് ബട്‍ലറിന്റെ സെ‍ഞ്ചറിയും, ക്യാപ്റ്റൻ സഞ്ജു സാംസണിന്റെ അർധസെഞ്ചറിയും കൂടി ചേർന്നതോടെ രാജസ്ഥാൻ അനായാസം വിജയത്തിലെത്തി.
ഐപിഎലിൽ 4000 റൺസ് പിന്നിടുന്ന 16–ാമത്തെ താരമായും സഞ്ജു മാറി.