ഐപിഎല്‍ പോരാട്ടത്തില്‍ ചെന്നൈ സൂപ്പര്‍ കിങ്സിനെതിരെ പഞ്ചാബ് കിങ്സിന് 7 വിക്കറ്റിന്റെ ആധികാരിക ജയം..
ആദ്യം ബാറ്റു ചെയ്ത ചെന്നൈ 20 ഓവറിൽ 7ന് 162 റൺസാണു നേടിയത്.
മറുപടി ബാറ്റിങ്ങിനിറങ്ങിയ പഞ്ചാബ് 17.5 ഓവറിൽ 3 വിക്കറ്റ് നഷ്ടത്തിൽ വിജയം കണ്ടു. ഇതോടെ പഞ്ചാബിന്റെ പ്ലേ ഓഫ് പ്രതീക്ഷകൾക്കു നിറംവച്ചു.
ടോസ് നേടിയ പഞ്ചാബ് ഫീൽഡിങ് തിരഞ്ഞെടുക്കുകയായിരുന്നു. 48 പന്തിൽ 62 റൺസെടുത്ത ക്യാപ്റ്റന്‍ ഋതുരാജ് ഗെയ്‌ക്‌വാദാണു ചെന്നൈ നിരയിലെ ടോപ് സ്കോറര്‍.
അജിൻക്യ രഹാനെ (29), സമീർ റിസ്‌വി (21), മൊയീൻ അലി (15), എം.എസ്.ധോണി (14) എന്നിവരും രണ്ടക്കം കടന്നു.
പഞ്ചാബിനായി ഹര്‍പ്രീത് ബ്രാറും രാഹുല്‍ ചഹാറും രണ്ട് വീതം വിക്കറ്റ് വീഴ്ത്തി.