സൂര്യകുമാർ യാദവിന്റെ സെഞ്ചറി തിളക്കത്തിൽ സണ്റൈസേഴ്സ് ഹൈദരാബാദിനെ 7 വിക്കറ്റിനു തോൽപ്പിച്ച് മുംബൈ
174 റൺസെന്ന വിജയലക്ഷ്യം 17.2 ഓവറിൽ 3 വിക്കറ്റ് നഷ്ടത്തിൽ മുംബൈ സ്വന്തമാക്കി.
51 പന്തിൽ 102 റൺസുമായി ഔട്ടാകാതെ നിന്നാണു സൂര്യകുമാർ മുംബൈയെ വിജയതീരത്ത് എത്തിച്ചത്. 12 ഫോറും 6 സിക്സും ഉൾപ്പെട്ടതായിരുന്നു ഇന്നിങ്സ്
തിലക് വർമ (37), ഇഷാൻ കിഷൻ (9), രോഹിത് ശർമ (4) എന്നിവരും സൂര്യകുമാറിനു പിന്തുണയേകി.
ഹൈദരാബാദിനായി ഭുവനേശ്വർ കുമാർ, മാക്രോ ജാൻസൻ, പാറ്റ് കമ്മിൻസ് എന്നിവർ ഓരോ വിക്കറ്റ് വീതം നേടി.
വാങ്കഡെ സ്റ്റേഡിയത്തില് ടോസ് നേടിയ മുംബൈ ക്യാപ്റ്റന് ഹാര്ദിക് പാണ്ഡ്യ ഹൈദരാബാദിനെ ബാറ്റിങ്ങിന് അയയ്ക്കുകയായിരുന്നു.
20 ഓവറിൽ 8 വിക്കറ്റ് നഷ്ടത്തിൽ ഹൈദരാബാദ് 173 റൺസ് നേടി.