ഒരു നല്ല സ്മാർട് ഫോൺ വാങ്ങി. ഇനി അതുപയോഗിക്കാൻ തുടങ്ങുന്നതിനു മുൻപ് പരിഗണിക്കേണ്ടതായുള്ള ചെറിയ കാര്യങ്ങളുണ്ട്. തുടക്കക്കാർ മാത്രം അറിഞ്ഞിരിക്കേണ്ട അത്തരം കാര്യങ്ങൾ എന്തൊക്കെയാണ് എന്നു നോക്കാം

പുതിയ ഫോൺ ഓണാക്കുമ്പോൾ കമ്പനിയുടെ ലോഗോയും മറ്റും പ്രത്യക്ഷമാകും ഭാഷയും പ്രദേശവും സജ്ജീകരിക്കാൻ ഓൺ-സ്‌ക്രീൻ നിർദ്ദേശങ്ങൾ പാലിക്കുക.

നിങ്ങൾക്ക് ഇതിനകം ഒരു ഗൂഗിൾ അക്കൗണ്ട് ഉണ്ടെങ്കിൽ, ആ അക്കൗണ്ട് ഉപയോഗിച്ച് നിങ്ങളുടെ പുതിയ ഫോണിലേക്ക് സൈൻ ഇൻ ചെയ്യാം. അക്കൗണ്ട് ഇല്ലെങ്കിൽ, ഇതേ ഫോണിൽ ഒരെണ്ണം സൃഷ്ടിക്കാൻ കഴിയും.

ഗൂഗിൾ അക്കൗണ്ട് സജ്ജീകരിച്ചുകഴിഞ്ഞാൽ, നിങ്ങളുടെ പുതിയ ഫോണിൽ ജിമെയിൽ, ഗൂഗിൾ മാപ്സ്, പ്ലേസ്റ്റോർ എന്നിവ പോലുള്ള സേവനങ്ങൾ ഉപയോഗിക്കാൻ തുടങ്ങാം

ഫോണിന്റെ സോഫ്റ്റ്‌വെയർ അപ്‌ഡേറ്റ് ചെയ്യുക: നിങ്ങൾക്ക് ഏറ്റവും പുതിയ സുരക്ഷാ സംവിധാനങ്ങളും പലവിധ ബഗുകളിൽ പരിഹാരങ്ങളും ഉറപ്പാക്കും.

പഴയ ഫോണിൽ നിന്ന് നിങ്ങളുടെ കോൺടാക്റ്റുകളും ഫോട്ടോകളും മറ്റ് ഡാറ്റയും കൈമാറുക. യുഎസ്ബി കേബിൾ, ക്ലൗഡ് സേവനം അല്ലെങ്കിൽ ബ്ലൂടൂത്ത് കണക്ഷൻ എന്നിങ്ങനെയുള്ള നിരവധി മാർഗങ്ങൾ ഡാറ്റാ കൈമാറ്റത്തിനായി ഉപയോഗിക്കാനാകും.

പ്രിയപ്പെട്ട ആപ്പുകൾ ഇൻസ്റ്റാൾ ചെയ്യുക: ഗൂഗിൾ പ്ലേ സ്റ്റോറിലും ആപ്പിൾ ആപ്പ് സ്റ്റോറിലും നിരവധി ആപ്പുകൾ ലഭ്യമാണ്. ഇതില്‍ ആവശ്യമുള്ളതു തിരഞ്ഞെടുക്കാം