ഗ്രിഗോറിയന്‍ കലണ്ടര്‍ വിശദമായി പരിശോധിക്കുന്നവരില്‍ ജിജ്ഞാസയുണ്ടാക്കുന്ന കാര്യങ്ങളിലൊന്ന് ചില വര്‍ഷങ്ങളില്‍ ഒരു ഫെബ്രുവരി 29ന്റെ സാന്നിധ്യമാണ്. ഇത് എന്തിനു വേണ്ടിയാണ്? ഇല്ലെങ്കില്‍ എന്തു സംഭവിക്കും?

കൃത്യമായി പറഞ്ഞാല്‍ കലണ്ടറിന് ഒരു സമതുലിതാവസ്ഥ നല്‍കുന്ന ഘടകങ്ങളിലൊന്നാണ് ഈ ഫെബ്രുവരി 29.

ഒരുവട്ടം സൂര്യനെ വലംവച്ചെത്താന്‍ എടുക്കുന്നത് കൃത്യം 365 ദിവസമല്ല. എന്നാല്‍, 366 ദിവസവുമല്ല. മറിച്ച് 365 ദിവസവും, 5 മണിക്കൂറും, 48 മിനിറ്റും 46 സെക്കന്‍ഡ്‌സുകളും ചേര്‍ന്നതാണ് ഒരു വര്‍ഷം എന്നാണ് നാസയുടെ കണക്ക്.

ഭൂമി ഒരു പ്രാവശ്യം കറങ്ങിയെത്താന്‍ വേണ്ടിവരുന്ന ആറോളം മണിക്കൂര്‍ അധികമായി കിടക്കുന്നു.

അത് കണ്ടില്ലെന്നു നടിക്കാനാവില്ല. ഇതിനെ ഉള്‍ക്കൊള്ളിക്കാന്‍ വേണ്ടിയാണ് ലീപ് ഇയര്‍ അല്ലെങ്കില്‍ അധിവര്‍ഷം എന്ന ആശയം

ഇങ്ങനെ അധികമായി ചേര്‍ക്കുന്ന ദിനത്തെ ലീപ് ഡേ എന്നും വിശേഷിപ്പിക്കുന്നു.