Manoramaonline.com no longer supports Internet Explorer 8 or earlier. Please upgrade your browser.  Learn more »

സംവിധായികയുടെ അമ്മ ഫൊട്ടോഗ്രാഫർക്ക് നൽകിയ മറുപടി; ആഘോഷമാക്കി വെൽച്വൽ ലോകം

mira-nair-parveen

ഒരു തെറ്റിദ്ധാരണയുടെ പേരിലാണ് ഫൊട്ടോഗ്രാഫർ ചോദ്യം ഉന്നയിച്ചതെങ്കിലും അയാൾക്ക് നേരെ കണ്ണുരുട്ടാനോ, അയാളെ തിരുത്താനോ തയാറാകാതെയാണ് അന്ന് അമ്മ കിടിലനൊരു മറുപടി ഫൊട്ടോഗ്രാഫർക്ക് നൽകിയത്. ഇന്ത്യൻ വംശജയായ മീരാനായരുടെ അമ്മ പർവീൺ നായരാണ് ഈ കഥയിലെ നായിക. മീരയുടെ ആദ്യ ചലച്ചിത്രമായ സലാം ബോംബെ 1988 ൽ കാൻ ചലച്ചിത്രമേളയിൽ പ്രദർശിപ്പിച്ചപ്പോൾ റെഡ്കാർപ്പറ്റിൽ ഡോ. പർവീൺ നായരുടെയും സാന്നിധ്യമുണ്ടായിരുന്നു. 

സാരിയിൽ അതിസുന്ദരിയായെത്തിയ പർവീണിനെക്കണ്ടപ്പോൾ ചിത്രത്തിലെ അഭിനേതാക്കളിലൊരാളാണെന്ന് ഒരു ഫൊട്ടോഗ്രാഫർ തെറ്റിദ്ധരിച്ചു. താങ്കൾ ഈ സിനിമയിൽ ഏതു കഥാപാത്രത്തെയാണ് അവതരിപ്പിച്ചത് എന്ന ചോദ്യത്തിന് വളരെ രസകരമായ ഒരു മറുപടിയാണ് പർവീൺ നൽകിയത്. ഡയറക്ടറുടെ പ്രൊഡ്യൂസർ ആണെന്നായിരുന്നു ആ മറുപടി. 1988 ൽ നടന്ന സംഭവം ഇപ്പോൾ ട്വിറ്ററിൽ തരംഗമാകാനൊരു കാരണമുണ്ട്.

സീനിയർ സ്പോർട്സ് ജേണലിസ്റ്റായ ജോയ് ഭട്ടാചാര്യ രസകരമായ ഈ കഥ തന്റെ ട്വിറ്റർ പേജിൽ പങ്കുവച്ചു. അദ്ദേഹത്തിന്റെ കുറിപ്പ് തരംഗമായതോടെ സംവിധായക മീരാനായരും സംഭവം സത്യമാണെന്ന് സ്ഥിരീകരിച്ച് രംഗത്തു വന്നു. പോസ്റ്റും പ്രതികരണവും വ്യാപകമായി പ്രചരിക്കുമ്പോൾ ആ അമ്മയുടെ ബുദ്ധിയെയും സെൻസ് ഓഫ് ഹ്യൂമറിനെയും അഭിനന്ദിക്കുകയാണ് വെർച്വൽ ലോകം.

related stories
ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.