വിവാഹദിനം പുനരാവിഷ്കരിച്ചു; 59-ാം വാർഷികത്തിൽ ദമ്പതികളുടെ വ്യത്യസ്തമായ ആഘോഷം; ചിത്രങ്ങൾ വൈറൽ

വിവാഹ ദിനവും അന്നത്തെ ആഘോഷങ്ങളും അനുഭവങ്ങളും കാലമെത്ര കഴിഞ്ഞാലും പലരുടെയും ഓര്‍മകളിൽ ഉണ്ടായിരിക്കും. അങ്ങനെ നീണ്ട 59 വർഷത്തെ ദാമ്പത്യം അൽപം വ്യത്യസ്തമായ രീതിയിൽ ആഘോഷമാക്കുകയാണ് ഈ ദമ്പതികൾ. 79കാരനായ കരണും ഗ്രേ റയാനുമാണ് തങ്ങളുടെ വിവാഹ വാർഷികം വ്യത്യസ്തമായ രീതിയിൽ ആഘോഷിച്ചത്. 59–ാം വിവാഹ വാർഷികം വിവാഹദിനത്തിലെ വസ്ത്രങ്ങൾ തന്നെയണിഞ്ഞ് അന്ന് പകർത്തിയതു പോലെയുള്ള ചിത്രങ്ങൾ പകർത്തിയും ആഘോഷങ്ങൾ നടത്തിയും ഈ ദിനം അവിസ്മരണീയമാക്കുകയാണ് ദമ്പതികൾ. 

പേരക്കുട്ടി നിക്കി റിയാൻ ഇന്‍സ്റ്രഗ്രാമിൽ പങ്കുവച്ച ചിത്രങ്ങളിലൂടെയാണ് ഈ വിവാഹവിശേഷം പുറം ലോകം അറിഞ്ഞത്. ചിത്രങ്ങൾ പങ്കുവച്ചു കൊണ്ട് നിക്കി കുറിച്ചത് ഇങ്ങനെ: ഇന്നലെ എന്റെ മുത്തശ്ശന്റെയും മുത്തശ്ശിയുടെയും 59–ാം വിവാഹ വാർഷികമായിരുന്നു. കഴിഞ്ഞ വർഷം ഇരുവർക്കും ചില ആരോഗ്യ പ്രശ്നങ്ങൾ ഉണ്ടായിരുന്നു. അതിനാൽ ആഘോഷങ്ങൾ ഉണ്ടായില്ല. അതുകൊണ്ട് ഈ വർഷം വ്യത്യസ്തമാകട്ടെ എന്ന് കരുതി. 1962ലെ വിവാഹ ദിനം ഇന്നത്തെ വിവാഹദിനത്തിൽ നിന്ന് എത്ര വ്യത്യസ്തമാണെന്ന് പരിചയപ്പെടുത്തുകയാണ് ഈ ആഘോഷത്തിന്റെ ലക്ഷ്യം.’– നിക്കി കുറിച്ചു. 

വിവാഹ വാർഷികാഘോഷത്തെ കുറിച്ച് ഒരു പ്രാദേശികമാധ്യമത്തിന് നൽകിയ അഭിമുഖത്തിൽ കരൺ പറയുന്നത് ഇങ്ങനെ: ‘1962ൽ പോഷെല്ലോയിൽ വച്ചായിരുന്നു ഞങ്ങളുടെ വിവാഹം. ചടങ്ങിനു ശേഷം പള്ളിയുടെ താഴെയുള്ള ചെറിയ ഹാളിലായിരുന്നു വിവാഹം.’ ഇവരുടെ മരുമകളും പേരക്കുട്ടിയും വെഡ്ഡിങ് ഫോടടോഗ്രാഫർമാരാണ്. ഇവരാണ് കരണിന്റെയും ഗ്രേറയാന്റെയും മനോഹരമായ ചിത്രങ്ങൾ പകർത്തിയത്. ആഘോഷങ്ങളും ഇവർ തന്നെയാണ് പ്ലാൻ ചെയ്തത്. 

English Summary: On their 59th anniversary, California couple recreates wedding photoshoot