വിവാഹത്തിന് പുകയില ചവച്ചെത്തി; വരന്റെ കരണത്തടിച്ച് വധു; വൈറലായി വിഡിയോ
Mail This Article
വിവാഹവേദിയിലെ പല സംഭവങ്ങളും സോഷ്യൽ മീഡിയകളിൽ വാർത്തയാകാറുണ്ട്. വേദി തകരുന്നതും വധുവിന്റെ വസ്ത്രത്തിനു തീ പിടിക്കുന്നതും മറ്റുമുള്ള സംഭവങ്ങൾ ഇതിനു മുൻപുണ്ടായിട്ടുണ്ട്. എന്നാൽ ഇവിടെ വധു വരനെ മുഖമടച്ച് അടിക്കുന്ന സ്ഥിതിയുണ്ടായിരിക്കുന്നു. കാരണം കേട്ടാൽ പെൺകുട്ടിയെ ന്യായീകരിക്കാനും തോന്നും. താലികെട്ടുന്ന പുരുഷൻ പുകയില ചവക്കുന്നതാണ് പെൺകുട്ടിയെ പ്രകോപിപ്പിച്ചത്.
ചടങ്ങുകൾക്കിടയിൽ വധു ദേഷ്യത്തോടെ സംസാരിക്കുന്നത് വിഡിയോയിൽ കാണാം. അടുത്തുള്ള ഒരാളാണ് രോഷത്തോടെ സംസാരിക്കുന്നത്. വരന്റെ പുകയില ഉപയോഗത്തെക്കുറിച്ചാണ് വാദപ്രതിവാദം. കലിപൂണ്ട വധു വരനോടു ദേഷ്യത്തോടെ സംസാരിച്ച് മുഖത്തടിക്കുന്നതും വിഡിയോയിൽ കാണാം.
പുകയില ദുശ്ശീലമാണെന്നും അത് ആരോഗ്യത്തെ ബാധിക്കുമെന്നും യുവതി പറയുന്നത് കേൾക്കാം. എന്തായാലും അടി കിട്ടിയതോടെ വരൻ ഉടൻ പുകയില തുപ്പിക്കളഞ്ഞു. വിഡിയോയ്ക്കു താഴെ നിരവധി പേർ പെൺകുട്ടിയുടെ പ്രവർത്തിയെ പ്രശംസിച്ചു. അതേസമയം ഇൻസ്റ്റഗ്രാം റീൽസിനായി നിർമിച്ചതാണ് വിഡിയോ എന്ന അഭിപ്രായവും ശക്തമാണ്.