വിവാഹത്തിനു തൊട്ടുമുൻപ് വധുവിനെ കണ്ട വരന്റെ മുഖത്ത് അമ്പരപ്പ്; വൈറലായി പ്രതികരണം
Mail This Article
വ്യത്യസ്തമായ വിവാഹ വിഡിയോകൾ സമൂഹമാധ്യമങ്ങളിൽ വൈറലാകാറുണ്ട്. വധൂവരന്മാർ തങ്ങളുടെ വിഡിയോകൾ വ്യത്യസ്തമാക്കാൻ ശ്രമിക്കാറുണ്ട്. ഒരാളുടെ ജീവിതത്തിൽ ഏറ്റവും പ്രധാനപ്പെട്ട ദിവസങ്ങളിൽ ഒന്നാണ് വിവാഹ ദിനം. പ്രധാനപ്പെട്ട ആ ദിവസത്തിനു വേണ്ടി തയ്യാറാകുന്ന വധൂവരന്മാരുടെ മനോഹരമായ വിഡിയോകൾ എത്താറുണ്ട്. വിവാഹത്തിന് ഒരുങ്ങി നിൽക്കുന്ന വധുവിനെ കണ്ടപ്പോൾ ഉണ്ടായ വരന്റെ പ്രതികരണമാണ് സമൂഹമാധ്യമങ്ങളിൽ വൈറലാകുന്നത്.
‘ഏത് വരനാണ് വിവാഹത്തിനു തൊട്ടുമുൻപ് തന്റെ വധുവിനെ ഒരു നോക്കു കാണാൻ ആഗ്രഹിക്കാത്തത്? എന്റെ വധു അവളുടേതായ ഈ ദിവസത്തിൽ രാജകീയ പ്രൗഢിയോടെ കാണപ്പെട്ടു.’– എന്ന കുറിപ്പോടെയാണ് വിഡിയോ പങ്കുവച്ചിരിക്കുന്നത്.
പങ്കുവച്ച് നിമിഷങ്ങൾക്കകം തന്നെ വിഡിയോ സമൂഹമാധ്യമങ്ങൾ വൈറലായി. നിരവധി കമന്റുകളും എത്തി. ‘എന്റെ ഭർത്താവ് എന്നെ ആദ്യം കണ്ടപ്പോഴുണ്ടായ പ്രതികരണവും ഇങ്ങനെയായിരുന്നു.’– എന്നായിരുന്നു ഒരാളുടെ കമന്റ്. ‘ ഈ പ്രതികരണം എനിക്കിഷ്ടപ്പെട്ടു.’– എന്നായിരുന്നു മറ്റൊരാൾ കമന്റ് ചെയ്തത്. ലൗലി സിൻഹയാണ് വധു. സുറൂർ ആട്രേ ആണ് വരൻ.
English Summary: Groom’s reaction on seeing his bride when she is ready is just too wholesome