യുവതിയെ നടുറോഡിലിട്ട് മർദിച്ച് നാല് വനിതകൾ; വിഡിയോ പങ്കുവച്ച് പ്രതികൾ; കേസെടുത്ത് പൊലീസ്

thrash-woman
SHARE

മധ്യപ്രദേശിലെ ഇൻഡോറിൽ ഡോമിനോ തൊഴിലാളിയായ വനിതയെ നാലു സ്ത്രീകൾ ചേർന്നു മർദിച്ചു. നന്ദിനി യാദവ് എന്ന യുവതിക്കാണ് മർദനമേറ്റത്. മര്‍ദനത്തിന്റെ വിഡിയോ സമൂഹമാധ്യമങ്ങളിൽ എത്തിയതോടെയാണ് സംഭവം പുറംലോകം അറിഞ്ഞത്. വിഡിയോ വൈറലായതോടെ പൊലീസ് കേസെടുത്തു. 

യുവതി ജോലിക്കു പോകുന്നതിനിടെയായിരുന്നു സംഭവം. വഴി മധ്യേ പ്രതികളായ സ്ത്രീകൾ യുവതിയെ തടഞ്ഞുവച്ച് മർദിക്കുകയായിരുന്നു. സ്ത്രീകൾ യുവതിയെ നിലത്തേക്ക് തള്ളിയിട്ടു വടികൊണ്ടും മറ്റും മർദിച്ചു. മർദനത്തിൽ പരുക്കേറ്റ യുവതിയെ രക്ഷിക്കാനായി ആരും തന്നെ എത്തിയതുമില്ല. 

പോയി പരാതി കൊടുക്ക് എന്ന് ഒരു സ്ത്രീ തന്നോട് ആക്രോശിച്ചതായും നന്ദിനി പൊലീസിൽ നൽകിയ പരാതിയിൽ പറയുന്നു. അടുത്ത വീട്ടിലേക്ക് ഓടിക്കയറിയാണ് രക്ഷപ്പെട്ടതെന്നും യുവതി വ്യക്തമാക്കി. യുവതിയുടെ പരാതിയുടെ അടിസ്ഥാനത്തിൽ കുറ്റക്കാരായ സ്ത്രീകൾക്കെതിരെ കേസെടുത്തു. പ്രദേശത്ത് താമസിക്കുന്ന സ്ത്രീകളാണ് കേസിലെ പ്രതികൾ. പ്രതികൾ തന്നെയാണ് വിഡിയോ പ്രചരിപ്പിച്ചത്. 

തൽസമയ വാർത്തകൾക്ക് മലയാള മനോരമ മൊബൈൽ ആപ് ഡൗൺലോഡ് ചെയ്യൂ

ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.
Video

ഇത് പാവപ്പെട്ടവന്റെ സ്വർഗം! | 10 Lakh House | Hometour

MORE VIDEOS
FROM ONMANORAMA