ADVERTISEMENT

മോഡലായാണ് ഇന്ത്യയാകെ ആരാധകരുള്ള മലൈക അറോറ തന്റെ കരിയർ തുടങ്ങുന്നത്. മോഡലിങ് രംഗത്തേക്ക് ചുവടുവച്ചതിന്റെ ഓർമകൾ പങ്കുവയ്ക്കുകയാണ് താരം ഇപ്പോൾ. അമ്മയ്ക്കൊപ്പം  നിരവധി ഓഡിഷനുകളിൽ പങ്കെടുക്കാൻ പോയതിന്റെ  ഓർമ മലൈക പങ്കുവച്ചു. ന്യൂസ് ഏജൻസിിക്കു നൽകിയ  അഭിമുഖത്തിലായിരുന്നു മലൈകയുടെ പ്രതികരണം. വിവിധയിടങ്ങളിൽ നിന്നും ഒഴിവാക്കപ്പെട്ടതായും അവർ വ്യക്തമാക്കി. 

‘തുടക്കത്തിൽ പലയിടങ്ങളിൽ നിന്നും ഞാൻ ഒഴിവാക്കപ്പെട്ടു. എന്നാൽ, അതുകൊണ്ടൊന്നും ഞാൻ പിറകിലേക്ക് പോയില്ല. ഓരോ തവണ ഒഴിവാക്കപ്പെടുമ്പോഴും അടുത്ത തവണ ഉറപ്പായും തിരഞ്ഞെടുക്കപ്പെടുമെന്ന ആത്മവിശ്വാസം എനിക്കുണ്ടായിരുന്നു.ആ ദൃഢനിശ്ചയത്തിൽ തന്നെയാണ്  ഞാൻ വീണ്ടും ഒഡിഷന് പോയത്. പരിശ്രമം നിർത്താൻ ഞാൻ തയാറായിരുന്നില്ല. 17 വയസിലാണ് ഞാന്‍ മോഡലിങ്ങിലേക്കുള്ള ശ്രമം ആരംഭിക്കുന്നത്.’– മലൈക അറോറ പറഞ്ഞു. 

ബെസ്റ്റ് ഡാൻസർ റിയാലിറ്റി ഷോയുടെ വിധികർത്താവാണ് മലൈക അറോറ. ഭാവിയിൽ ആരാകണം എന്നതു സംബന്ധിച്ച് 15–16  വയസിൽ പോലും വലിയ  ധാരണയൊന്നും ഉണ്ടായിരുന്നില്ല. എന്നാൽ, ഇന്നത്തെ കുട്ടികൾക്ക് അവർ ആരാകണമെന്ന കാര്യത്തിൽ വ്യക്തമായ ധാരണയുണ്ടെന്നും മലൈക പറഞ്ഞു.

English  Summary: Malaika Arora's Memories Of Going To Auditions: 'Faced Many Rejections'

ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.
തൽസമയ വാർത്തകൾക്ക് മലയാള മനോരമ മൊബൈൽ ആപ് ഡൗൺലോഡ് ചെയ്യൂ
അവശ്യസേവനങ്ങൾ കണ്ടെത്താനും ഹോം ഡെലിവറി  ലഭിക്കാനും സന്ദർശിക്കു www.quickerala.com