എങ്ങനെയാണ് ഇവിടെ കഴിയേണ്ടത്? ഡൽഹിയിലെ ക്വാറന്റീൻ ദുരിതം വിഡിയോ പങ്കുവച്ച് യുവതി
Mail This Article
ക്വാറന്റീനിൽ ഉള്ളവർക്ക് ആവശ്യത്തിനു സൗകര്യം ഏർപ്പെടുത്താതെ ഭരണകൂടം. സ്പെയിനിൽ നിന്നും എത്തിയവർക്ക് ആവശ്യത്തിനു സൗകര്യങ്ങൾ ഒന്നും ഏർപ്പെടുത്തിയില്ലെന്നു പറഞ്ഞ് നവ്യ ഡുവ എന്ന പെൺകുട്ടി പോസ്റ്റ് ചെയ്ത വിഡിയോയാണ് ഇപ്പോൾ സമൂഹമാധ്യമങ്ങളിൽ വൈറലാകുന്നത്. തങ്ങൾ അനുഭവിക്കുന്ന ക്ലേശകരമായ അവസ്ഥയും നവ്യ വിവരിക്കുന്നുണ്ട്.
‘ഞങ്ങൾ 40ൽ അധികം ആളുകൾ ഉണ്ട്. അവർക്കെല്ലാമായി മൂന്ന് വാഷ്റൂമുകളാണ് ഉള്ളത്. അഞ്ച് വലിയ ബെഡ്റൂമുകളും ഉണ്ട്. അവർ ഞങ്ങളോട് ശുചിത്വമുള്ളവരാകാൻ ആവശ്യപ്പെടുന്നു. എന്നാൽ ഞങ്ങൾക്ക് ഒരുക്കിയിരിക്കുന്ന സൗകര്യങ്ങൾ എത്ര മോശമാണ്. ഇക്കാര്യങ്ങളിൽ കൂടുതൽ ശ്രദ്ധ കേന്ദ്രീകരിക്കേണ്ടിയിരിക്കുന്നു. ഇന്ത്യയില് കൂടുതൽ കേസുകൾ റിപ്പോർട്ട് ചെയ്യപ്പെടുകയാണെന്നു മറക്കരുത്.’– വിഡിയോ പങ്കുവച്ചു കൊണ്ട് നവ്യ കുറിച്ചു.
അതേസമയം ക്വാറന്റീൻ കേന്ദ്രങ്ങളിലെ സൗകര്യങ്ങൾ പരിശോധിച്ച് എത്രയും പെട്ടന്ന് വേണ്ട നടപടി സ്വീകരിക്കുമെന്നാണ് ഡൽഹി മുഖ്യമന്ത്രി അരവിന്ദ് കെജ്രിവാളിന്റെ പ്രതികരണം. 16ന് പുലർച്ചെയാണ് സ്പെയിനിൽ നിന്നും എത്തിയതെന്നും 14 ദിവസത്തെ ക്വാറന്റീനായി പൊലീസ് ട്രെയിനിങ്ങ് അക്കാദമിയില് കഴിയുകയാണെന്നും നവ്യ അറിയിച്ചു. തനിക്ക് കൂടുതൽ ഒന്നും പറയാനില്ലെന്നും ബാക്കി എല്ലാം വിഡിയോ വ്യക്തമാക്കുമെന്നും പറഞ്ഞാണ് യുവതി വിഡിയോ പങ്കുവച്ചത്.