sections
MORE

ഇത് കാണൂ; കോവിഡ്–19 പ്രതിരോധത്തില്‍ ഇന്ത്യയെ മാതൃകയാക്കണമെന്ന് ഷെറിൽ സാന്റ്ബർഗ്

sandberg
SHARE

എല്ലാ  അധ്യാപകർക്കും, വിദ്യാഭ്യാസ പ്രവർത്തകർക്കും നന്ദി പറഞ്ഞായിരുന്നു ഫെയ്സ്ബുക് സിഒഒ ഷെറിൽ സാന്റ് ബെർഗിന്റെ ഇന്നത്ത പോസ്റ്റ്. ലോകമാകെ കൊറോണ വൈറസ് ഭീതിയിൽ നിൽക്കുമ്പോൾ സാധാരണക്കാർക്ക് പ്രചോദനമാകും വിധമാണ് ഇന്ത്യയിലെ അധ്യാപകരുടെയും വിദ്യാഭ്യാസ പ്രവർത്തകരുടെയും പ്രവർത്തനമെന്ന് ഷെറിൽ സോഷ്യൽ മീഡിയിൽ കുറിച്ചു. ഗുജറാത്തിലെ സ്കൂളിൽ നിന്നുള്ള ചിത്രങ്ങളും ഷെറിൽ പങ്കുവച്ചു.

‘ഈ നാട്ടിലെ എല്ലാ അധ്യാപകർക്കും നന്ദിപറയാൻ ഈ അവസരം വിനിയോഗിക്കുകയാണ്. വിദ്യാഭ്യാസ ഉദ്യോഗസ്ഥരും അധ്യാപകരും അവരുടെ കുഞ്ഞുങ്ങളെയും സമൂഹത്തെയും കോവിഡ്–19 രോഗത്തെ കുറിച്ച് ബോധവത്കരണം നടത്തുന്നത് അഭിനന്ദനാർഹമാണ്.’– ഷെറിൽ സാൻഡ് ബർഗ് കുറിച്ചു.

‘ഗുജറാത്തിലെ 1000 സ്കൂളിൽ നിന്നുള്ള ഒരുലക്ഷത്തോളം വരുന്ന അധ്യാപകർ ഫെയ്സ്ബുക് അവരുടെ ജോലിസ്ഥലമാക്കി മാറ്റിയിരിക്കുന്നു. അസുഖം സംബന്ധിച്ച് ബോധവത്കരണം നടത്തുന്നതിനായി വിഡിയോകളും ഇൻഫോ ഗ്രാഫിക്സുകളും ഫെയ്സ്ബുക് വഴി പങ്കുവയ്ക്കാൻ സാധിക്കുന്നു. കൈകൾ എങ്ങനെ വൃത്തിയായി കഴുകാം എന്നതു സംബന്ധിച്ച് കുട്ടികളെ പഠിപ്പിക്കുന്ന വിഡിയോയും അവർ പങ്കുവയ്ക്കുന്നുണ്ട്. ഇത്തരത്തിലുള്ള ക്രിയാത്മകമായ നീക്കത്തിലൂടെ കൊറോണയെ പ്രതിരോധിക്കാന്‍ സാധിക്കും.’–ഷെറിൽ സാന്റ്ബെർഗ് പറഞ്ഞു. നിരവധിപേരാണ് പോസ്റ്റ് ഷെയർ ചെയതത്.

English Summary: Facebook COO Sheryl Sandberg Applauds Gujarat Schools. See Her Post

തൽസമയ വാർത്തകൾക്ക് മലയാള മനോരമ മൊബൈൽ ആപ് ഡൗൺലോഡ് ചെയ്യൂ
MORE IN WOMEN NEWS
SHOW MORE
FROM ONMANORAMA