സൗഹൃദദിനത്തിൽ വെർച്വൽ കൂട്ടായ്മയുമായി കാഞ്ഞിരപ്പള്ളി ഗേൾസ്

കോവിഡ് നാടിനെ ബാധിച്ചിരിക്കുന്നതിനാൽ സൗഹൃദദിനത്തിൽ സ്വന്തം സുഹൃത്തുക്കളെ കാണാനോ, കൂട്ടായ്മ സംഘടിപ്പിക്കാനോ കഴിയാത്ത അവസ്ഥയിലാണ്. ഈ അവസ്ഥയെ വെർച്വൽ കൂട്ടായ്മ കൊണ്ട് മറികടന്നിരിക്കുകയാണ് കാഞ്ഞിരപ്പള്ളി ഗേൾസ് സെന്റ് ജോസഫ് സ്കൂളിലെ പൂർവ വിദ്യാർഥിനികൾ.

1998 ബാച്ചിൽ 10 ക്ലാസ് പാസായ ഇവർ നേരത്തെ തന്നെ വാട്സാപ് ഗ്രൂപ്പ് വഴി കണക്ട‍ഡ് ആണ്. സൂം വഴി നേരത്തെ ഗാതറിങ് നടത്തിയ ഇവരുടെ ഗ്രൂപ്പിലെ 50 പേരിൽ നിന്ന് 40 പേർ  ഗാതറിങ്ങിൽ പങ്കെടുത്തു. ഇവിടെ നിന്നാണ് സൗഹൃദദിനത്തിലെ വേറിട്ട ആഘോഷത്തിലേക്ക് എത്തിച്ചേർന്നിരിക്കുന്നത്. സൗഹൃദദിനത്തിൽ വെർച്വലായി ഫ്രണ്ട്ഷിപ്പ് ബാൻഡുകളണിഞ്ഞ്, അതിന്റെ വിഡിയോകൾ ശേഖരിച്ച് അതിനെ കോർത്തിണക്കി വിഡിയോയാക്കിയിരിക്കുകയാണ് കാഞ്ഞിരപ്പള്ളി ഗേൾസ്.

സൗഹൃദദിനത്തിൽ പുറത്തിറക്കിയ വിഡിയോ കാണാം

English Summary: Kanjirappally Girls School Virtual Alumni Get Together