sections
MORE

ഫിൻലൻ‍ഡ് മന്ത്രിസഭയിലെ പെൺപുലികൾ; വിദ്യാഭ്യാസത്തിലും ഏറെ മുന്നിൽ

Katri Kulmuni, Maria Ohisalo ,Li Andersson, sanna Marin
കത്രി കൽമുനി, മരിയ ഒഹിസാലോ,ലി ആൻഡേഴ്സൻ,സന മരിൻ
SHARE

34–ാം വയസ്സിൽ ഫിൻലൻഡിന്റെ പ്രധാനമന്ത്രിയായ സന മരിനെപ്പറ്റി വായിച്ച് അദ്ഭുതപ്പെട്ടവർക്കായി ഇനിയും വിസ്മയങ്ങൾ കാത്തുവച്ചിട്ടുണ്ട് ഫിൻലൻഡ് മന്ത്രിസഭ. ഫിൻലൻഡിന്റെ മൂന്നാമത്തെ വനിതാ പ്രധാനമന്ത്രിയായ സനയുടെ സോഷ്യൽ ഡെമോക്രാറ്റ് പാർട്ടി നേതൃത്വം നൽകുന്ന മുന്നണിയിലെ നാലു സഖ്യകക്ഷികളെയും നയിക്കുന്നത് വനിതകളാണ്. മന്ത്രിസഭയിൽ അംഗങ്ങളുമാണ് അവർ. അതിൽ മൂന്നുപേർ മുപ്പത്തഞ്ചിൽ താഴെ പ്രായമുള്ളവരാണ് – സെന്റർ പാർട്ടി നേതാവും ധനമന്ത്രിയുമായ കത്രി കൽമുനി (32), ഗ്രീൻ പാർട്ടി നേതാവും ആഭ്യന്തര മന്ത്രിയുമായ മരിയ ഒഹിസാലോ (34), ഇടതു മുന്നണി അധ്യക്ഷയും വിദ്യാഭ്യാസ മന്ത്രിയുമായ ലി ആൻഡേഴ്സൻ (32. മന്ത്രിസഭയിലെ നാലാമത്തെ വനിത സ്വീഡിഷ് പീപ്പിൾസ് പാർട്ടി നേതാവും നീതിന്യായ വകുപ്പ് മന്ത്രിയുമായ അന്ന മജ ഹെൻറിക്സൻ (55) ആണ്.

ഫിൻലൻഡിന്റെ പുരോഗമനപരമായ ചുവടുവയ്പുകളെക്കുറിച്ചാണ് ഇപ്പോൾ ലോകം ചർച്ച ചെയ്യുന്നത്. ഫിന്നിഷ് രാഷ്ട്രീയ നേതാവായ അലക്സാണ്ടർ സ്റ്റബ് അഭിമാനത്തോടെയാണ് രാജ്യത്തെ വനിതാമുന്നേറ്റത്തെക്കുറിച്ചുള്ള വാർത്ത പങ്കുവച്ചിരിക്കുന്നത്.– ‘എന്റെ പാർട്ടി ഈ സർക്കാരിന്റെ ഭാഗമല്ല. പക്ഷേ ഒരു കാര്യത്തിൽ എനിക്കു വളരെയധികം സന്തോഷമുണ്ട്. ഈ ഗവൺമെന്റിന്റെ ഭാഗമായ അഞ്ചു പാർട്ടികളുടെ നേതാക്കളും സ്ത്രീകളാണ്. സർക്കാർ രൂപീകരണത്തിൽ ലിംഗവ്യത്യാസം ഒരു വിഷയമല്ലാതാകുന്ന കാലം വരും’.

സന മരിൻ

34–ാം വയസ്സിൽ പ്രധാനമന്ത്രിപദത്തിലെത്തിയ സന മരിന് ഈ ചെറിയ പ്രായത്തിൽത്തന്നെ രാഷ്ട്രീയത്തിൽ വിശാലമായ അനുഭവപരിചയമുണ്ട്. യൂണിവേഴ്സിറ്റി ഓഫ് ടാംപെറിൽനിന്ന് ബിസിനസ്സ് അഡ്മിനിസ്ട്രേഷനിൽ ബിരുദാനന്തര ബിരുദം നേടി. 2010 മുതൽ 2012 വരെ സോഷ്യൽ ഡെമോക്രാറ്റിക് യൂത്തിന്റെ ഉപാധ്യക്ഷയായ സന 2012 ൽ ടാംപെറിലെ സിറ്റി കൗൺസിലായി തിരഞ്ഞെടുക്കപ്പെട്ടു. 2015 ൽ ഫിൻലൻഡ് പാർലമെന്റംഗമായ സന 2019 ജൂണിലാണ് സോഷ്യൽ ഡെമോക്രാറ്റ് പാർട്ടി നേതാവ് ആന്റി റിന്നേ നേതൃത്വം നൽകിയിരുന്ന സർക്കാരിൽ ഗതാഗത, വാർത്താ വിനിമയ മന്ത്രിയായത്. ഭരണമുന്നണിയിലെ പ്രശ്നങ്ങൾ കാരണം റിന്നേ രാജി വച്ചതിനെത്തുടർന്നാണ് സന പ്രധാനമന്ത്രിപദത്തിലെത്തിയത്. 

ഇതിനെക്കാളെല്ലാം വലിയ പ്രത്യേകത, സന ഒരു മഴവിൽ കുടുംബത്തിന്റെ മകളാണ് എന്നതാണ്. സനയുടെ അമ്മയുടെ ജീവിതപങ്കാളിയും ഒരു സ്ത്രീയാണ്. കുടുംബത്തിൽ‍ ആദ്യമായി സർവകലാശാലാ വിദ്യാഭ്യാസം നേടിയതും സനയാണ്. മാർക്കസ് റൈക്കണനാണ് സനയുടെ ഭർത്താവ്. ഇവർക്ക് ഒരു മകളുണ്ട് – എമ്മ അമേലിയ മരിൻ.

ലി ആൻഡേഴ്സൺ

1987 ൽ ജനിച്ച ലി ആൻഡേഴ്സൺ ഇടതുമുന്നണി അംഗമാണ്. 2019 ൽ ആന്റി റിന്നേ സർക്കാരിൽ വിദ്യാഭ്യാസ മന്ത്രിയായിരുന്നു. സന മരിൻ സർക്കാരിലും ആൻഡേഴ്സൺ വിദ്യാഭ്യാസ മന്ത്രിയായി തുടരുമെന്നാണ് ഫിന്നിഷ് മാധ്യമങ്ങൾ നൽകുന്ന സൂചന. 2011 മുതൽ 2015 വരെ ഫിൻലൻഡിലെ ലെഫ്റ്റ് യൂത്തിനെ നയിച്ചിരുന്നത് ആൻഡേഴ്സനാണ്. 2016 മുതൽ ഇടതുമുന്നണി അധ്യക്ഷയുമാണ്. സാമൂഹിക ശാസ്ത്രത്തിൽ ബിരുദമുള്ള ആൻഡേഴ്സൺ തന്റെ വെബ്സൈറ്റ് ബയോയിൽ പറയുന്നതിങ്ങനെ- ‘അബോ അക്കാഡമി യൂണിവേഴ്സിറ്റിയിൽനിന്ന് ഇന്റർനാഷനൽ ലോ പഠിച്ചു. ഇന്റർനാഷനൽ ഹ്യൂമൻ റൈറ്റ് ലോ, റെഫ്യൂജി ലോ എന്നിവയിൽ സ്പെഷലൈസ് ചെയ്തു’

View this post on Instagram

Hyvää kansainvälistä YK-päivää! 🇺🇳 Tänä päivänä monet polttavimmista ongelmistamme ylittävät valtioiden rajat. Meillä on vain kymmenisen vuotta aikaa löytää ratkaisut ilmastonmuutokseen. Päästöt ylittävät rajat ja samalla tavalla myös kansainvälisen yhteistyön täytyy olla rajoja ylittävää. Viimeisen vuoden aikana ilmastoliikehdinnän taso on noussut ympäri maailman upealla tavalla ja oma toivoni ratkaisujen löytymisestä on noussut samanaikaisesti. Ilmastotoimien kunnianhimon noustessa myös YK:n rooli kasvaa. Kun valtiot sopivat yhdessä päästöjen vähentämisestä, se tapahtuu juuri YK:n välityksellä ja on selvää, että emme voisi ratkaista ilmastonmuutoksen kaltaista valtavaa ongelmaa ilman YK:ta, jonka tehtävä on mahdollistaa maailman valtioiden yhteistyö yli paikallisten ryhmittymien. Suomi on tänä vuonna tuonut oman vahvan aloitteensa ilmastonmuutoksen hillintään. Tavoitteemme saavuttaa hiilineutraalius vuoteen 2035 mennessä on maailman kunnianhimoisimpien joukossa. Se onkin ainoa oikea tavoitetaso vauraalle pohjoismaalle. Osallistuin kesällä kestävän kehityksen huippukokoukseen YK:n päämajassa New Yorkissa Suomen delegaation johtajana. Suomi sai muutamassa tilaisuudessa spontaanit aplodit, kun kerroimme hallituksemme 2035-hiilineutraaliustavoitteesta. Tavoitetasomme on kohdillaan ja se luo toivoa ympäri maailman. Nyt Suomen on aika laittaa sanat teoiksi ja näyttää maailmalle mallia siitä, että me voimme löytää ratkaisut ilmastonmuutokseen ajoissa, ja niin että pienituloisia ei laiteta tarvittavien muutosten maksajiksi. Omalta osaltani työt YK-järjestöjen parissa jatkuvat marraskuun toisella viikolla, kun johdan Suomen delegaatiota YK:n kasvatus-, tiede- ja kulttuurijärjestö UNESCOn yleiskokouksessa. Luvassa on taas lukemattomia inspiroivia kohtaamisia ja väsymätöntä työtä koulutuksellisen tasa-arvon puolesta!

A post shared by Li Andersson (@lindrssn) on

മരിയ ഒഹിസാലോ

ആന്റി റിന്നേ സർക്കാരിൽ ആഭ്യന്തര മന്ത്രിയായിരുന്നു ഗ്രീൻ ലീഗ് പാർട്ടി നേതാവ് മരിയ ഒഹിസാലോ. പുതിയ മന്ത്രിസഭയിലും ആ വകുപ്പ് തന്നെയാകും അവർ കൈകാര്യം ചെയ്യുക എന്ന് സൂചനയുണ്ട്. സാമൂഹിക ശാസ്ത്രത്തിൽ ബിരുദാനന്തര ബിരുദവും സോഷ്യോളജിയിൽ ഡോക്ടറേറ്റുമുണ്ട്. 2008 ൽ ഗ്രീൻ ലീഗ് പാർട്ടിയിൽ ചേർന്ന മരിയ 2019 ലാണ് പാർട്ടിയുടെ നേതൃനിരയിലെത്തിയത്.

View this post on Instagram

Hyvää itsenäisyyspäivää! 💚 🇫🇮✨ Minulla on ilo ja kunnia kantaa todella ainutlaatuista asukokonaisuutta itsenäisyyspäivän juhlavastaanotolla. Pukuni on upean kotimaisen suunnittelijan, Anne-Mari Pahkalan kädenjälkeä. Uniikki asu on suunniteltu ja valmistettu Pahkalan studiolla Helsingin Kruununhaassa. Kankaan raaka-aineena on suomalaisen Infinited Fiber Companyn kehittämä kierrätyskuitu, joka valmistetaan tekstiilijätteestä. Pukuni on ensimmäinen tästä kuidusta koskaan valmistettu juhla-asu. Tästä kankaasta valmistetut tuotteet luovat tekstiilijätteelle uuden elämän, ja ne on myös suunniteltu kestämään aikaa. Uuden teknologian avulla tämä kuitu voidaan kierrättää kerta toisensa jälkeen laadun kärsimättä. Ja lähes hiilineutraalisti. Olen ylpeä saadessani pukeutua suomalaiseen kiertotalouden innovaatioon. Juuri nyt tarvitsemme kipeästi ratkaisuja pikamuodin ja kasvavien tekstiilijätemäärien ongelmiin. Ratkaisun avaimet ovat vaatteiden käyttöiän pidentämisessä, korjaus- ja lainaamopalveluiden kehittämisessä sekä uusissa innovaatioissa tekstiilijätteen kierrättämiseksi. Tämän mekon käyttöikää pidentää myös huippulaadukas design. Koruni ovat Pahkalan ja Eero Hintsasen yhteisestä SULA-korumallistosta, ja ne on valmistettu kierrätetystä hopeasta. Puolisoni Miika Johansson puolestaan on pukeutunut mumminsa isälle vuonna 1952 räätälintyönä teetettyyn vintage-frakkipukuun. Anne-Mari Pahkala muodisti puvun tähän aikaan sopivaksi vuosikymmenten takaista räätälintyötä kunnioittaen. Pahkalan studiolla Miikan vintage-frakin räätälintyön toteutti vaatturimestari Martta Turunen. 💎 #itsenäisyyspäivä #kiertotalous #linnanjuhlat #vihreät #finnishdesign 👗: @infinitedfiber @annemaripahkala Korvakorut: @eerohintsanen 💄👱🏻‍♀️: @satuarvo 👠👝: @redshoehelsinki 📷: @lauraiikkanen Lokaatio: @hotelhelka

A post shared by Maria Ohisalo (@mariaohisalo) on

കത്രി കൽമുനി

ഭരണമുന്നണിയിലെ രണ്ടാമത്തെ കക്ഷിയായ സെന്റർ പാർട്ടിയുടെ നേതാവാണ് 32 കാരി കത്രി കൽമുനി. കഴിഞ്ഞ സർക്കാരിൽ, 2019 ജൂണിൽ ധനമന്ത്രിയായി ചുമതലയേറ്റ കൽമുനി സെപ്റ്റംബറിൽ ഉപപ്രധാനമന്ത്രിയുമായി. യൂണിവേഴ്സിറ്റി ഓഫ് ലാപ്‌ലാൻഡിൽനിന്ന് സാമൂഹിക ശാസ്ത്രത്തിൽ ബിരുദം നേടിയ കത്രി 2015 മുതൽ ഫിൻലൻഡ് പാർലമെന്റംഗമാണ്. പുതിയ മന്ത്രിസഭയിലും ധനവകുപ്പു തന്നെയാകും കത്രിക്കെന്നാണ് വിവരം.

അന്ന മജ ഹെൻറിക്സൻ

സന മരിൻ മന്ത്രിസഭയിലെ ഏറ്റവും മുതിർന്ന വനിതയാണ് 55 കാരി അന്ന മജ ഹെൻറിക്സൻ. സ്വീഡിഷ് പീപ്പിൾസ് പാർട്ടി നേതാവായ അന്നയ്ക്കു ലഭിക്കുക നീതിന്യായ വകുപ്പായിരിക്കുമെന്നാണ് മാധ്യമങ്ങൾ പറയുന്നത്. 1996 ലാണ് സ്വീഡിഷ് പീപ്പിൾസ് പാർട്ടി അംഗമായി അന്ന മജ ഹെൻറിക്സൻ രാഷ്ട്രീയ ജീവിതമാരംഭിച്ചത്. 2016 ൽ‍ പാർട്ടി അധ്യക്ഷയായി. സ്വീഡിഷ് പീപ്പിൾസ് പാർട്ടിയുടെ ആദ്യ വനിതാ അധ്യക്ഷയാണ് അന്ന. 2007 മുതൽ ഫിൻലൻഡ് പാർലമെന്റംഗമാണ്. മുൻപു മൂന്നു തവണ ഫിൻലൻഡ് മന്ത്രിസഭയിൽ നീതിന്യായവകുപ്പ് മന്ത്രിയായിരുന്നു. ഫിൻലൻഡിലെ ജാക്കൊബ്സ്റ്റഡ് സ്വദേശിനിയായ അന്നയ്ക്ക് ഫു‍‍ട്ബോളും ഐസ് ഹോക്കിയും വളരെയിഷ്ടമാണ്. ജെയ്ൻ ഹെൻറിക്സനാണ് ഭർത്താവ്. 1991 ൽ വിവാഹിതരായ ഇവർക്ക് രണ്ട് പെൺമക്കളുണ്ട്.

‘മഴവിൽ കുടുംബത്തിലെ പെൺകുട്ടി’ നയിക്കുന്ന, വനിതകൾ തലയെടുപ്പോടെ നിൽക്കുന്ന ഭരണകൂടം ഫിൻലൻഡിന്റെ ചരിത്രത്തിലെ അപൂർവ നിമിഷമാണ്. ഒരു രാഷ്ട്രീയ സംഭവം എന്നതിനപ്പുറം സാമൂഹിക, സാംസ്കാരിക രംഗങ്ങളിലും ചലനങ്ങളുണ്ടാക്കിയേക്കാം അത്. ലോകമെങ്ങും പെൺശാക്തീകരണത്തിനായി ഉയരുന്ന ശബ്ദങ്ങൾക്ക് അതു പ്രചോദനവും കരുത്തുമാകുമെന്നു പ്രതീക്ഷിക്കാം.

English Summery : Sanna Marin will run a coalition cabinet which is led by women

തൽസമയ വാർത്തകൾക്ക് മലയാള മനോരമ മൊബൈൽ ആപ് ഡൗൺലോഡ് ചെയ്യൂ
WORK & LIFE
SHOW MORE
ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.
FROM ONMANORAMA