sections
MORE

നടിക്കൊപ്പം ക്യാമറയും വെള്ളത്തിൽ ചാടി; സ്പാനിഷ് നർത്തകിയുടെ വൈറൽ ടാംഗോ നൃത്തം

viraldance
SHARE

നായിക വെള്ളത്തിലേക്ക് ചാടുമ്പോൾ ക്യാമറയും കൂടെ ചാടട്ടേ എന്ന നടൻ ശ്രീനിവാസന്റെ ഡയലോഗ് മലയാളികളാരും മറക്കില്ല. ഏതാണ്ട് സമാനമായ ഡയലോഗ് പറയാനുതകുന്ന ഒരു സാഹചര്യമാണ് ഇപ്പോൾ വൈറലാകുന്നത്. അണ്ടർവാട്ടർ വീഡിയോഗ്രഫി പ്രചാരത്തിലായതോടെ നിരവധി നായികമാരും നായകന്മാരും  വെള്ളത്തിൽ ചാടിയിട്ടുണ്ട്. അവരെ പകർത്തിയെടുക്കാൻ നിരവധി  ക്യാമറ സംഘങ്ങളും കൂടെ ചാടിയിട്ടുമുണ്ട്. ഇത്തരത്തിൽ വെള്ളത്തിൽ ചാടിയ ഒരു സ്പാനിഷ് നർത്തകി നടത്തിയ ടാംഗോ നൃത്തമാണ് ഇപ്പോൾ ഇന്റർനെറ്റിലെ സംസാരവിഷയം.യകൻ ബാസ്റ്റിൻ സൊളീൽ നിർമ്മിക്കുന്ന  'ടാംഗോ' എന്ന മൂന്ന് മിനിറ്റ് നീളുന്ന ചിത്രത്തിനു വേണ്ടി സ്പാനിഷ് ഡൈവറും കൊറിയോഗ്രാഫറുമായ അരിയാഡ്‌ന ഹഫേസാണ് 10 മീറ്റർ വെള്ളത്തിനടിയിൽ മാസ്മരിക നൃത്ത പ്രകടനം നടത്തിയത്.  സൊളീൽ ഇൻസ്റ്റാഗ്രാമിൽ പോസ്റ്റ് ചെയ്ത നൃത്ത വീഡിയോയാണ് വൈറലായത്. ഓക്സിജൻ സഹായമില്ലാതെ നർത്തകിയും ക്യാമറ സംഘവും 120 തവണ വെള്ളത്തിലേക്ക് ചാടിയാണ് ഈ നൃത്ത രംഗം ചിത്രീകരിച്ചത്.

വെള്ളവും വെളിച്ചവും അരിയാഡ്നയുടെ ചടുല നീക്കങ്ങളും ചേരുമ്പോൾ ടാംഗോ  ഒരുക്കുന്നത് നവ്യാനുഭൂതിയാണെന്ന് സംവിധായകൻ ഇൻസ്റ്റാഗ്രാമിൽ കുറിച്ചു. കാഴ്ചക്കാരനെ ഒരു സ്വപ്നതുല്യമായ ലോകത്തിലേക്ക് കൂട്ടിക്കൊണ്ടുപോകുന്ന ഹിപ്നോട്ടൈസിങ് പ്രകടനമെന്നാണ്  പലരും  നൃത്തത്തെ കുറിച്ച് അഭിപ്രായപ്പെട്ടത്.
English Summary: Woman Under Water Dance Goes Viral

തൽസമയ വാർത്തകൾക്ക് മലയാള മനോരമ മൊബൈൽ ആപ് ഡൗൺലോഡ് ചെയ്യൂ
WORK & LIFE
SHOW MORE
ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.
Video

പയ്യാമ്പലം കടപ്പുറത്ത് ചിതകളെരിയുമ്പോൾ

MORE VIDEOS
FROM ONMANORAMA