ബോളിവുഡ് താരങ്ങളായ ആമിര് ഖാന്, ഷാരൂഖ് ഖാന് എന്നിവരുൾപ്പടെ 40 പ്രമുഖതാരങ്ങളുടെ സുരക്ഷ വെട്ടിക്കുറയ്ക്കാന് മുംബൈ പോലീസ് തീരുമാനിച്ചു. സുരക്ഷാ ഉദ്യോഗസ്ഥരുടെ വാര്ഷിക അവലോകന യോഗത്തിനു ശേഷമാണ് സുരക്ഷ വെട്ടികുറയ്ക്കാന് തീരുമാനിച്ചത്.
ബോളിവുഡ് താരങ്ങളായ അമിതാഭ് ബച്ചന്, സംവിധായകരായ മഹേഷ് ഭട്ട്, മുകേഷ് ഭട്ട്, ദിലീപ് കുമാര്, ലതാ മങ്കേഷ്കര് എന്നിവര് പോലീസ് കനത്ത സുരക്ഷയൊരുക്കുന്നവരില് ഉള്പ്പെടുന്നു. 25 സിനിമാതാരങ്ങളുടെ പൊലീസ് സുരക്ഷ പൂർണമായും എടുത്തുകളഞ്ഞിട്ടുണ്ട്. വിധു വിനോദ് ചോപ്ര, രാജ്കുമാര് ഹിറാനി, ഫറാ ഖാന്, കരിം മൊറാനി എന്നിവരുടെ സുരക്ഷ പൂര്ണമായും എടുത്തുമാറ്റിയിട്ടുണ്ട്.
ഉടന്തന്നെ തീരുമാനം നടപ്പാക്കുമെന്നും ഇനി 15 പേര്ക്ക് മാത്രം മികച്ച സുരക്ഷ നല്കിയാല് മതിയെന്നുമാണ് സുരക്ഷാ ഉദ്യോഗസ്ഥരുടെ വാര്ഷിക അവലോകന യോഗത്തില് തീരുമാനമായത്. ബോളിവുഡ് താരങ്ങൾക്ക് സുരക്ഷ ഒരുക്കുന്നതു മൂലം പൊലീസുകാരുടെ വിലപ്പെട്ട സമയം നഷ്ടമാകുകയാണെന്നും യോഗത്തിൽ ചൂണ്ടിക്കാട്ടി.
Disclaimer
ഇവിടെ പോസ്റ്റ് ചെയ്യുന്ന അഭിപ്രായങ്ങൾ മനോരമയുടേതല്ല. അഭിപ്രായങ്ങളുടെ പൂർണ്ണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാറിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.