മലയാള സിനിമാ ബോക്സ്ഓഫീസിൽ റെക്കോർഡ് കലക്ഷനുമായി വില്ലൻ. സിനിമയോട് അടുത്ത വൃത്തങ്ങളിൽ നിന്നുള്ള റിപ്പോർട്ട് അനുസരിച്ച് ആദ്യദിനം ചിത്രം വാരിക്കൂട്ടിയത് 4.91 കോടി. ഒരുമലയാളസിനിമയ്ക്ക് ലഭിക്കുന്ന ഏറ്റവും ഉയർന്ന കലക്ഷൻ കൂടിയാണിത്.
253 കേന്ദ്രങ്ങളിൽ റിലീസിനെത്തിയ ചിത്രത്തിന് 1300 പ്രദർശനങ്ങളാണ് ഉണ്ടായിരുന്നത്. 150 ലധികം ഫാൻ ഷോയും അന്പതിലധികം സ്പെഷൽ ഷോയും പ്രദർശിപ്പിച്ചു.
റിലീസിന് മുമ്പ് തന്നെ വലിയ പ്രതീക്ഷകള് നല്കിയ ചിത്രം മോഹന്ലാല് ആരാധകരുടെ നീണ്ട കാത്തിരിപ്പായിരുന്നു. മോഹൻലാലും ബി ഉണ്ണികൃഷ്ണനും ഒന്നിക്കുന്ന നാലാമത്തെ ചിത്രമായ വില്ലനിൽ റിട്ടയേർഡ് പൊലീസ് ഉദ്യോഗസ്ഥനായാണ് മോഹൻലാൽ എത്തുന്നത്.