പുതിയ ആൽബവുമായി മൈക്കിൾ ജാക്സന്റെ സഹോദരി

അന്തരിച്ച പോപ്പ് താരം മൈക്കിൾ ജാക്സന്റെ ഇളയ സഹോദരിയും പോപ്പ് താരവുമായ ജനറ്റ് ജാക്സൺ പുതിയ ആൽബവുമായി എത്തുകയാണ്. നീണ്ട ഏഴ് വർഷത്തെ ഇടവേളയ്ക്ക് ശേഷമാണ് ജനറ്റ് പുതിയ ആൽബം പുറത്തിറക്കുന്നത്. പേരിട്ടില്ലാത്ത ആൽബം ഈ വർഷം അവസാനം പുറത്തിറങ്ങുമെന്നാണ് താരത്തോട് അടുത്ത വൃത്തങ്ങൾ സൂചിപ്പിക്കുന്നത്. 2008 ൽ പുറത്തിറക്കിയ ഡിസപ്ലിനായിരുന്നു ജനറ്റിൽ അവസാന ആൽബം.

മൈക്കിൾ ജാക്സണിന്റെ ഇളയ സഹോദരിയായ ജാനറ്റ് ജാക്സൺ, ദ ജാക്സൺ 5 എന്ന സംഘത്തിലൂടെയാണ് സംഗീതത്തിലേയ്ക്ക് എത്തുന്നത്. എഴുപതുകളിലെ പ്രശസ്ത ടീവി പരമ്പരയായ ദ ജാക്സൺസിലൂടെയാണ് പ്രശസ്തയാകുന്ന ജനറ്റ് 1982 ൽ ആദ്യ ആൽബം ജനറ്റ് ജാക്സൺ പുറത്തിറങ്ങി. ആദ്യ ആൽബം ഹിറ്റായതോടെ പോപ്പ് താരമായി വളർന്ന് ജാനറ്റ് തുടർന്ന് 1984 ൽ ഡ്രീം സ്ട്രീറ്റ്. 1986 ൽ കൺട്രോൾ, 1989 ൽ ജനറ്റ് ജാക്സൺസ് റിഥം നേഷൻ, 1993 ൽ ജനറ്റ്, 1997 ൽ ദ വെൽവെറ്റ് റോപ്പ്, 2001 ൽ ഓൾ എബൗട്ട് യു, 2004 ൽ ദമിറ്റ ജോ, 2006 ൽ 20 വൈ. ഒ, 2008 ൽ ഡിസപ്ലിൻ തുടങ്ങിയ ആൽബങ്ങൾ പുറത്തിറക്കിയിട്ടുണ്ട്.

പീഢനങ്ങൾക്കെതിരേയും, സാമുഹിക അസമത്വങ്ങൾക്കെതിരെയുമെല്ലാമുള്ള വരികളുടെ പേരിൽ പ്രശസ്തയാണ് ജനറ്റ്. ലോകത്താകെ മാനം 160 ദശലക്ഷം ഗാനങ്ങൾ ജനറ്റിന്റേതായി വിറ്റിട്ടുണ്ട്. ഏറ്റവും അധികം തവണ അടുപ്പിച്ച് ബിൽബോർഡ് ഹോട്ട്100 ലിസ്റ്റിന്റെ ടോപ്പ് 10 ൽ ഗാനങ്ങൾ എത്തിച്ചിട്ടുള്ള റിക്കൊർഡും ജനറ്റിന്റെ പേരിലാണ്. ലോകത്ത് ഏറ്റവും അധികം പുരസ്കാരങ്ങൾ സ്വന്തമാക്കിയിട്ടുള്ള പോപ്പ് ഗായികമാരിൽ ഒരാളായ ജനറ്റിന് അമേരിക്കൻ മ്യൂസിക്ക് പുരസ്കാരം 12 പ്രാവശ്യവും, ബിൽബോർഡ് പുരസ്കാരം 33 പ്രാവശ്യവും, ഗ്രാമി പുസ്കാരം 6 പ്രാവശ്യവും ലഭിച്ചിട്ടുണ്ട്.