തിരുവനന്തപുരം∙ അഞ്ചു വയസ്സിൽ താഴെയുള്ള കുട്ടികൾക്കുള്ള പൾസ് പോളിയോ തുള്ളിമരുന്നു വിതരണം ഇന്നു മുതൽ 13 വരെ നടത്തും. ഇന്നു രാവിലെ എട്ടു മുതൽ വൈകിട്ട് അഞ്ചു വരെ തുള്ളിമരുന്നു വിതരണത്തിനുള്ള ബൂത്തുകൾ പ്രവർത്തിക്കും. ബൂത്തുകളിലെത്താൻ കഴിയാത്ത കുട്ടികൾക്ക് 13, 14 തീയതികളിൽ വൊളന്റിയർമാർ ഗൃഹസന്ദർശനം നടത്തി വിതരണം ചെയ്യും.
യാത്രാവേളകളിൽ കുട്ടികൾക്കു തുള്ളിമരുന്നു നൽകുന്നതിനായി വിമാനത്താവളം, റെയിൽവേ സ്റ്റേഷൻ, ബസ് സ്റ്റാൻഡുകൾ, നഗരാതിർത്തികൾ എന്നിവിടങ്ങളിൽ ട്രാൻസിസ്റ്റ് ബൂത്തുകൾ സജ്ജീകരിച്ചിട്ടുണ്ട്. മൂന്നു ദിവസങ്ങളിലും രാവിലെ എട്ടു മുതൽ രാത്രി എട്ടു വരെ ഈ ബൂത്തുകൾ പ്രവർത്തിക്കും. ഇതര സംസ്ഥാനക്കാരുടെ കുട്ടികൾക്കായി െമാബൈൽ ബൂത്തുകളും ക്രമീകരിച്ചു.
×
