ഈ ആഴ്ച ഓരോ നക്ഷത്രക്കാർക്കും എങ്ങനെ? കാണിപ്പയ്യൂർ

അശ്വതി:

പരീക്ഷണനിരീക്ഷണങ്ങളിലും നറുക്കെടുപ്പിലും വിജയിക്കും. ഭൂമിക്രയവിക്രയങ്ങളിൽ ലാഭമുണ്ടാകും. ബന്ധുവിന്റെ സ്വകാര്യ ആവശ്യത്തിനായി ദൂരയാത്ര വേണ്ടിവരും. കുടുംബത്തിൽ സ്വസ്ഥതയും സമാധാനവും ഉണ്ടാകും.

ഭരണി:

മേലധികാരികളോടുള്ള ആദരവും എളിമയും ഉന്നതസ്ഥാനങ്ങൾ ഉണ്ടാകുന്നതിനുള്ള വഴിയൊരുക്കും. കുടുംബസമേതം വിദേശത്ത് താമസത്തിനുള്ള അനുമതി ലഭിക്കും. സഹപാഠിയെ കാണുവാനും ഗതകാലസ്‌മരണകൾ പങ്കുവയ്‌ക്കുവാനും അവസരമുണ്ടാകും.

കാർത്തിക:

സംഘടനാപ്രവർത്തനങ്ങൾക്ക് സാരഥ്യം വഹിക്കുവാനിടവരും. സുഖദു:ഖങ്ങൾ ഒരുപോലെ സ്വീകരിക്കുവാനുള്ള മാനസികാവസ്ഥ സംജാതമാകും. സഹപ്രവർത്തകർ അവധിയായതിനാൽ ജോലിഭാരം വർധിക്കും.

രോഹിണി:

ഈശ്വരപ്രാർഥനകളാലും കഠിനാധ്വാനത്താലും മാർഗതടസ്സങ്ങളെ അതിജീവിക്കുവാൻ സാധിക്കും. വിദ്യാർഥികൾക്ക് ഉത്സാഹവും ഉന്മേഷവും വർധിക്കും. മാതാപിതാക്കളുടെ നിർദേശങ്ങൾ സർവാത്മനാ സ്വീകരിക്കും.  

മകയിരം:

അഭിപ്രായസ്വാതന്ത്ര്യം നിഷേധിച്ചതിൽ മനോവിഷമം തോന്നും. നിലവിലുള്ള ഗൃഹത്തിനു പുറമെ പട്ടണത്തിൽ മറ്റൊരു ഗൃഹംകൂടി വാങ്ങുവാൻ ധാരണയാകും. സുഹൃത്തിലുള്ള അന്ധമായ വിശ്വാസം അബദ്ധങ്ങൾക്ക് വഴിയൊരുക്കും. സ്വന്തം നിലപാടിൽ നിന്നു വ്യതിചലിക്കാതെയുള്ള സമീപനത്താൽ അനുകൂലസാഹചര്യങ്ങൾ ഉണ്ടാകും.

തിരുവാതിര:

ഈശ്വരപ്രാർഥനകളാൽ ഔദ്യോഗിക പ്രതിസന്ധികൾക്ക് കുറവുണ്ടാകും. വ്യവഹാരവിജയമുണ്ടാകും. കുടുംബത്തിൽ സ്വസ്ഥതയും സമാധാനവും ദാമ്പത്യസൗഖ്യവും ഉണ്ടാകും. വിദേശഉദ്യോഗം ഉപേക്ഷിച്ച് ജന്മനാട്ടിൽ വ്യാപാരം തുടങ്ങുവാൻ തീരുമാനിക്കും.

പുണർതം:

വ്യവസ്ഥകൾക്കതീതമായി പ്രവർത്തിക്കുവാൻ സാധിക്കുന്നതിനാൽ ലാഭവിഹിതം വർധിക്കും. സാഹചര്യങ്ങൾക്കനുസരിച്ച് ജന്മനാട്ടിലേക്ക് മാറിത്താമസിക്കും. ഉദ്യോഗമുപേക്ഷിച്ച് ഉപരിപഠനത്തിനായി വിദേശയാത്ര പുറപ്പെടും.  

പൂയം:

കുടുംബസമേതം വിശേഷപ്പെട്ട ദേവാലയദർശനം നടത്തുവാനിടവരും. സംതൃപ്‌തിക്കുറവിനാൽ ഉദ്യോഗം ഉപേക്ഷിക്കും. പുന:പരീക്ഷയിൽ വിജയശതമാനം വർധിക്കും. ഗൃഹനിർമാണം പൂർത്തീകരിക്കുവാൻ ധനകാര്യസ്ഥാപനത്തിന്റെ സഹായം തേടും.  

ആയില്യം:

നിഷ്‌ഠകൾ തെറ്റിക്കാതെ ആത്മാർഥമായി പ്രവർത്തിക്കുന്നതിനാൽ പൊതുജനാംഗീകാരം വർധിക്കും. ആഗ്രഹിച്ച കാര്യങ്ങൾ സാക്ഷാത്‌കരിക്കും. വിവിധോദ്ദേശ്യങ്ങൾക്കായി ദൂരയാത്രകൾ വേണ്ടിവരും. പൂർവികസ്വത്ത് ഭാഗം വയ്ക്കുവാൻ തീരുമാനിക്കും.

മകം:

വരവിനേക്കാൾ കൂടുതൽ ചെലവ് അനുഭവപ്പെടും. അഭിപ്രായവ്യത്യാസം പരിഹരിക്കുവാൻ ബന്ധുസഹായം തേടും. ഉദ്യോഗത്തോടനുബന്ധമായി ലാഭശതമാനവ്യവസ്ഥകളോടുകൂടിയ പ്രവർത്തനങ്ങൾക്ക് തുടക്കം കുറിക്കും.  

പൂരം:

കൂടുതൽ സൗകര്യമുള്ള ഗൃഹംവാങ്ങുവാൻ പ്രാഥമികസംഖ്യ കൊടുത്ത് കരാറെഴുതും. പുതിയ കരാറുജോലിയിൽ ഒപ്പുവയ്‌ക്കും. കുടുംബത്തിൽ സ്വസ്ഥതയും സമാധാനവും ഉണ്ടാകും. ഔദ്യോഗികമായി ചർച്ചകളും ദൂരയാത്രകളും വേണ്ടിവരും. 

ഉത്രം:

പുത്രപൗത്രാദികളോടൊപ്പം താമസിക്കുവാൻ അന്യദേശയാത്ര പുറപ്പെടും. വ്യവസ്ഥകൾക്കതീതമായി പ്രവർത്തിക്കുവാൻ സാധിക്കുന്നതിനാൽ ഉദ്യോഗത്തിൽ സ്ഥാനക്കയറ്റമുണ്ടാകും. ഉപകാരം ചെയ്‌തവർക്ക് പ്രത്യുപകാരം ചെയ്യുവാൻ അവസരമുണ്ടാകും.  

അത്തം:

അപകീർത്തി ഒഴിവാക്കുവാൻ പൊതുപ്രവർത്തനങ്ങളിൽ നിന്നു വിട്ടുനിൽക്കും. പ്രവർത്തനവിജയത്താൽ മനസ്സമാധാനമുണ്ടാകും. അനാരോഗ്യത്താൽ അവധിയെടുക്കുവാനിടവരും. ഔദ്യോഗികമായ സ്ഥാനമാനങ്ങൾ ലഭിക്കുവാൻ നിയമസഹായം തേടും.  

ചിത്തിര:

പ്രവൃത്തിമണ്‌ഡലങ്ങളിൽ നിന്നും സാമ്പത്തികനേട്ടമുണ്ടാകുമെങ്കിലും ചെലവിനങ്ങളിൽ നിയന്ത്രണം വേണം. പൊതുജനാവശ്യം പരിഗണിച്ച് ജനപ്രതിനിധികളെ കാണുവാനിടവരും. നിലവിലുള്ളതിനേക്കാൾ സൗകര്യമുള്ള ഗൃഹംവാങ്ങുവാൻ ധാരണയാകും. ഭരണസംവിധാനത്തിലെ അപാകതകൾ പരിഹരിക്കുവാൻ നടപടികൾ സ്വീകരിക്കും. അഭിമാനാർഹമായ പ്രവർത്തനം കാഴ്‌ചവയ്‌ക്കുവാൻ സാധിക്കും.

ചോതി:

ഗൃഹത്തിന്റെ അറ്റകുറ്റപ്പണികൾ തുടങ്ങിവയ്‌ക്കും. പരദൂഷണത്തിൽ നിന്നും വിട്ടുനിൽക്കുകയാണ് ഭാവിയിലേക്കു നല്ലത്. വരവും ചെലവും തുല്യമായിരിക്കും. മനസ്സിലുദ്ദേശിക്കുന്ന കാര്യങ്ങൾ ഈശ്വരാരാധനകളാൽ സാധിക്കും.  

വിശാഖം:

അനാവശ്യമായി ആധി വർധിക്കും. വാഹനം മാറ്റിവാങ്ങുവാനിടവരും. ഔദ്യോഗികമായി വിദേശയാത്രയ്‌ക്ക് അനുമതി ലഭിക്കും. ആധ്യാത്മികാത്മീയപ്രവൃത്തികളാൽ മനസ്സമാധാനമുണ്ടാകും.  

അനിഴം:

ഉദരരോഗപീഡകൾ വർധിക്കും. ആത്മവിശ്വാസത്താൽ പരീക്ഷയിൽ നല്ലരീതിയിൽ അവതരിപ്പിക്കുവാൻ സാധിക്കും. പ്രവൃത്തിമണ്‌ഡലങ്ങളിൽ നിന്നും സാമ്പത്തികനേട്ടമുണ്ടാകും. ഭൂമിക്രയവിക്രയങ്ങളിൽ പണം മുടക്കും.  

തൃക്കേട്ട:

കലാകായികമത്സരങ്ങളിലും നറുക്കെടുപ്പിലും വിജയിക്കും. ആത്മാഭിമാനത്തെ ചോദ്യം ചെയ്‌തതിനാൽ ഉദ്യോഗത്തിൽ നിന്നും രാജിവയ്‌ക്കും. പ്രായാധിക്യമുള്ളവരുടെ വാക്കുകൾക്ക് പ്രഥമപരിഗണന നൽകും. മാതാപിതാക്കളോടൊപ്പം താമസിക്കുവാൻ അന്യദേശ യാത്ര പുറപ്പെടും. ഊഹക്കച്ചവടത്തിൽ നഷ്‌ടം സംഭവിക്കും. സഹപാഠികളോടൊപ്പം ഉല്ലാസയാത്രയ്‌ക്ക് യോഗമുണ്ട്.  

മൂലം:

ഉപരിപഠനത്തിന്റെ അന്തിമഭാഗമായ പദ്ധതിസമർപ്പണത്തിന് തയാറാകും. വാഹനം മാറ്റിവാങ്ങുവാൻ തീരുമാനിക്കും. ഊഹക്കച്ചവടത്തിലും കലാകായികമത്സരങ്ങളിലും വിജയം കൈവരിക്കും.  

പൂരാടം:

അവസരോചിതമായി പ്രവർത്തിക്കുവാൻ സാധിക്കുന്നതിനാൽ അബദ്ധങ്ങൾ ഒഴിവാകും. പുതിയ കരാറുജോലികളിൽ ഒപ്പുവയ്‌ക്കുവാനിടവരും. വരവിനേക്കാൾ ചെലവ് അനുഭവപ്പെടും. കീഴ്‌ജീവനക്കാർക്ക് നിർബന്ധനിയന്ത്രണങ്ങൾ ഏർപ്പെടുത്തും.  

ഉത്രാടം:

കുടുംബത്തിൽ സ്വസ്ഥതയും സമാധാനവും ദാമ്പത്യസൗഖ്യവും ഉണ്ടാകും. വ്യവസ്ഥകൾക്കതീതമായി പ്രവർത്തിക്കുവാൻ സാധിക്കുന്നതിനാൽ ലാഭശതമാനം വർധിക്കും. അനാവശ്യമായ ആധി നിയന്ത്രിക്കണം.  

തിരുവോണം:

സദുദ്ദേശ്യത്തോടുകൂടിയുള്ള പ്രവൃത്തികൾ വിപരീത പ്രതികരണങ്ങൾ ഉണ്ടാക്കും. ആരോഗ്യകാര്യങ്ങളിൽ ശ്രദ്ധകേന്ദ്രീകരിക്കുവാൻ പ്രാണായാമവും വ്യായാമവും ശീലിക്കും. അശ്രാന്തപരിശ്രമത്താൽ മാർഗതടസ്സങ്ങൾ നീങ്ങി ഉദ്ദിഷ്‌ടകാര്യങ്ങൾ സാധിക്കും. 

അവിട്ടം:

അവസരങ്ങൾ പരമാവധി പ്രയോജനപ്പെടുത്തും. വിദേശബന്ധമുള്ള വ്യാപാരം തുടങ്ങുന്നതിന് വിദഗ്ധഉപദേശവും നിർദേശവും തേടും. പ്രവൃത്തിമണ്‌ഡലങ്ങളിൽ നിന്നു സാമ്പത്തികനേട്ടം വർധിക്കും. പൊതുജനാവശ്യം പരിഗണിച്ച് റോഡുവികസനത്തിന് ഭൂമി വിട്ടുകൊടുക്കും.  

ചതയം:

ആരാധനാലയത്തിലെ ഉത്സവാഘോഷങ്ങളിൽ സർവാത്മനാ പങ്കെടുക്കും. സ്ഥാനമാനങ്ങളും ആനുകൂല്യങ്ങളും വർധിക്കുന്ന വിഭാഗത്തിലേക്ക് ഉദ്യോഗമാറ്റമുണ്ടാകും. സാമ്പത്തിക ദുരുപയോഗം ചെയ്യുന്ന ജോലിക്കാരെ പിരിച്ചുവിടും.  

പൂരുരുട്ടാതി:

ചിരകാലാഭിലാഷപ്രാപ്‌തിയായ വിദേശയാത്രയ്‌ക്ക് അനുമതി ലഭിക്കും. ഉദ്യോഗത്തിനു പുറമെ ലാഭശതമാന വ്യവസ്ഥകളോടുകൂടിയ പ്രവർത്തനങ്ങൾക്ക് തുടക്കം കുറിക്കും. ഈശ്വരപ്രാർഥനകളാലും വിശേഷപ്പെട്ട ദേവാലയദർശനത്താലും മനസ്സമാധാനമുണ്ടാകും.  

ഉത്രട്ടാതി:

ധനകാര്യസ്ഥാപനത്തിന്റെ സഹായത്തോടുകൂടി ഗൃഹനിർമാണം പൂർത്തീകരിക്കും. മാതാപിതാക്കളുടെ ഇഷ്‌ടമനുസരിച്ച് പ്രവർത്തിക്കുവാൻ സാധിച്ചതിൽ മനസ്സന്തോഷമുണ്ടാകും.  

രേവതി:

സുഖദു:ഖങ്ങൾ ഒരുപോലെ സ്വീകരിക്കുവാനുള്ള മാനസികാവസ്ഥ സംജാതമാകും. സഹപാഠികളെ കാണുവാനും ഗതകാലസ്‌മരണകൾ പങ്കുവയ്‌ക്കുവാനും അവസരമുണ്ടാകും. കുടുംബസമേതം വിശേഷപ്പെട്ട ദേവാലയദർശനം നടത്തുവാനിടവരും. 

 

English Summery : Weekly Star Prediction by Kanippayyur December 29 to January 04