ഈ ആഴ്ച ഓരോ നക്ഷത്രക്കാർക്കും എങ്ങനെ? കാണിപ്പയ്യൂർ

അശ്വതി:

വിശ്വസ്തസേവനത്തിനു പ്രശസ്തിപത്രം ലഭിക്കും. വീഴ്ചകളുണ്ടാകാതെ സൂക്ഷിക്കണം. വാഹനം മാറ്റിവാങ്ങാൻ തീരുമാനിക്കും.

ഭരണി:

അസാധ്യമെന്നു തോന്നുന്ന പലതും സാധിക്കും. കൂടുതൽ സൗകര്യമുള്ള വീടു വാങ്ങാൻ തീരുമാനിക്കും. ചെലവിനങ്ങളിൽ നിയന്ത്രണം വേണം.

കാർത്തിക:

ജോലിയിൽ സ്ഥാനക്കയറ്റവും സ്ഥലംമാറ്റവും ഉണ്ടാകും. ആഗ്രഹിക്കുന്ന കാര്യങ്ങൾ സാധിക്കും. സാമ്പത്തികപ്രതിസന്ധി തരണം ചെയ്യും.

രോഹിണി:

ഒട്ടേറെ കാര്യങ്ങൾ നിശ്ചിതസമയത്തിനുള്ളിൽ ചെയ്തുതീർക്കും. ജോലിക്കു നിയമനാനുമതി ലഭിക്കും. മുൻകോപം നിയന്ത്രിക്കണം.

മകയിരം:

അഭിമാനാർഹമായ പ്രവർത്തനം കാഴ്ചവയ്ക്കാൻ സാധിക്കും. വാഹന ഉപയോഗത്തിൽ വളരെ ശ്രദ്ധയും സൂക്ഷ്മതയും വേണം. വിജ്ഞാനം ആർജിക്കാൻ അവസരമുണ്ടാകും.

തിരുവാതിര:

ഏറ്റെടുത്ത ദൗത്യം വിജയിപ്പിക്കാൻ സാധിക്കും. ജോലിയിൽ സ്ഥാനക്കയറ്റം ഉണ്ടാകും. ഭക്ഷ്യവിഷബാധയേൽക്കാതെ സൂക്ഷിക്കണം.

പുണർതം:

സാമ്പത്തിക ക്രയവിക്രയങ്ങളിൽ വളരെ സൂക്ഷിക്കണം. ജന്മനാട്ടിലേക്കുള്ള യാത്ര മാറ്റിവയ്ക്കും. ഉഷ്ണ – ഉദരരോഗപീഡകൾ വർധിക്കും.

പൂയം:

ജോലിയിൽ സ്ഥാനക്കയറ്റവും വ്യാപാരത്തിൽ പുരോഗതിയും ഉണ്ടാകും. പ്രതിസന്ധികളിൽ തളരാതെ പ്രവർത്തിക്കാനുള്ള ആത്മവിശ്വാസമുണ്ടാകും.

ആയില്യം:

തൊഴിൽമേഖലയിൽ പുരോഗതിയുണ്ടാകുമെങ്കിലും സാമ്പത്തികനേട്ടം കുറയും. വാഹനാപകടത്തിൽനിന്ന് അദ്ഭുതകരമായി രക്ഷപ്പെടും. ഭക്ഷണക്രമീകരണത്തിലെ അപാകതകളാൽ അസ്വാസ്ഥ്യമനുഭവപ്പെടും.

മകം:

ഔദ്യോഗിക യാത്ര മാറ്റിവയ്ക്കും. അവസരങ്ങൾ പ്രയോജനപ്പെടുത്താൻ അഹോരാത്രം പ്രയത്നിക്കും. പ്രലോഭനങ്ങളിൽ അകപ്പെടരുത്.

പൂരം:

നഷ്ടസാധ്യതയുള്ള വ്യാപാരമേഖലയിൽനിന്നു യുക്തിപൂർവം പിന്മാറും. വാഹന ഉപയോഗത്തിൽ വളരെ സൂക്ഷിക്കണം. അതിർത്തിത്തർക്കം പരിഹരിക്കും.

ഉത്രം:

ആഗ്രഹിക്കുന്ന കാര്യങ്ങൾ മക്കൾ മുഖേന യാഥാർഥ്യമാകും. പരീക്ഷണ, നിരീക്ഷണങ്ങളിൽ വിജയിക്കും. മാതാപിതാക്കളുടെ ആഗ്രഹത്തിനനുസരിച്ചു പ്രവർത്തിക്കും.

അത്തം:

ജോലിയിൽ സ്ഥാനക്കയറ്റമുണ്ടാകും. കുടുംബകാര്യങ്ങളിൽ കൂടുതൽ ശ്രദ്ധ കേന്ദ്രീകരിക്കും. അസുഖം കുറയും.

ചിത്തിര:

ബന്ധുസഹായത്താൽ പുതിയ ജോലി ലഭിക്കും. വ്യാപാര, വിപണന മേഖലകളിൽ ഉണർവും സാമ്പത്തികനേട്ടവും ഉണ്ടാകും. പൂർവികസ്വത്തു രേഖാമൂലം ലഭിക്കും.

ചോതി:

വാക്കും പ്രവൃത്തിയും ഫലപ്രദമാകും. കുടുംബത്തിൽ സ്വസ്ഥതയും സമാധാനവുമുണ്ടാകും. പണയപ്പെടുത്തിയ ആധാരം തിരിച്ചെടുക്കും.

വിശാഖം:

ആരോഗ്യം തൃപ്തികരമായിരിക്കും. ചികിത്സ ഫലിക്കും. മാതാപിതാക്കളെ വിദേശത്തു കൊണ്ടുപോകാൻ സാധിക്കും.

അനിഴം:

പ്രയത്നങ്ങൾക്കും പ്രവർത്തനങ്ങൾക്കും ഫലമുണ്ടാകും. അർഹമായ പൂർവികസ്വത്തു ലഭിക്കാൻ നിയമസഹായം തേടും.

തൃക്കേട്ട:

പ്രവർത്തന പുരോഗതിയും സാമ്പത്തികനേട്ടവും ഉണ്ടാകും. അനാവശ്യമായ ആധി ഒഴിവാക്കണം. ആത്മവിശ്വാസത്തോടെ പുതിയ ചുമതലകൾ ഏറ്റെടുക്കും.

മൂലം:

ജോലിയുമായി ബന്ധപ്പെട്ട് ദൂരയാത്രകൾ വേണ്ടിവരും. നിക്ഷേപമെന്ന നിലയിൽ ഭൂമിയോ വീടോ വാങ്ങും. സൽക്കീർത്തി വർധിക്കും.

പൂരാടം:

തൊഴിൽമേഖലകളിൽ കാലാനുസൃത മാറ്റം വരുത്താൻ തയാറാകും. ഉദര – ഉഷ്ണ രോഗപീഡകൾ വർധിക്കും. ദമ്പതികൾക്ക് ഒരുമിച്ചു താമസിക്കാൻ തക്കവണ്ണം ഉദ്യോഗമാറ്റമുണ്ടാകും.

ഉത്രാടം:

കുടുംബത്തിൽ സ്വസ്ഥതയും സമാധാനവുമുണ്ടാകും. അഭിപ്രായസമന്വയത്തിനായി വിട്ടുവീഴ്‌ചാ മനോഭാവം സ്വീകരിക്കും. പ്രാണായാമവും വ്യായാമവും ശീലിക്കും.

തിരുവോണം:

മാതാപിതാക്കളുടെ ആവശ്യങ്ങൾക്കു പ്രഥമ പരിഗണന നൽകും. പ്രലോഭനങ്ങളിൽ അകപ്പെടരുത്. ഭക്ഷ്യവിഷബാധയേൽക്കാതെ സൂക്ഷിക്കണം.

അവിട്ടം:

ആഗ്രഹിച്ച ഔദ്യോഗിക പദവി വന്നുചേരും. ചർച്ചകൾ വിജയിക്കും. വിട്ടുവീഴ്‌ചാ മനോഭാവത്താൽ വ്യക്തിവിദ്വേഷത്തെ അതിജീവിക്കും. അസുഖങ്ങളാൽ ദൂരയാത്ര മാറ്റിവയ്ക്കും.

ചതയം:

ദമ്പതികൾക്ക് ഒരുമിച്ചു താമസിക്കാൻ തക്കവണ്ണം ഉദ്യോഗമാറ്റമുണ്ടാകും. സ്വന്തം ചുമതലകൾ അന്യരെ ഏൽപിക്കരുത്. പ്രായോഗിക വിജ്ഞാനം പ്രവർത്തനക്ഷമതയ്ക്കു വഴിയൊരുക്കും.

പൂരുരുട്ടാതി:

മേലധികാരിയുടെ പ്രതിനിധിയായി ചർച്ചകൾ നയിക്കും. ഗതാഗതനിയമം ലംഘിച്ചതിനു പിഴ അടയ്ക്കേണ്ടി വരും. അസുഖങ്ങളാൽ അവധിയെടുക്കും.

ഉത്തൃട്ടാതി:

നിയമവിരുദ്ധ പ്രവർത്തനങ്ങളിൽനിന്നു പിന്മാറാൻ ഉൾപ്രേരണയുണ്ടാകും. സുഖദുഃഖങ്ങൾ ഒരുപോലെ സ്വീകരിക്കാനുള്ള മാനസികാവസ്ഥ സംജാതമാകും.

രേവതി:

കുടുംബാംഗങ്ങൾക്കൊപ്പം താമസിക്കാൻ തക്കവണ്ണം ജോലി ക്രമീകരിക്കും. പ്രായോഗിക വിജ്ഞാനം പ്രവർത്തനക്ഷമതയ്ക്കു വഴിയൊരുക്കും. 

English Summary : Weekly Star Prediction by Kanippayyur / 2021 April 04 to 10