ഈ ആഴ്ച ഓരോ നക്ഷത്രക്കാർക്കും എങ്ങനെ? കാണിപ്പയ്യൂർ

അശ്വതി: തീരുമാനങ്ങളിൽ ഔചിത്യമുണ്ടാകും. ജാമ്യം നിൽക്കരുത്. പദ്ധതി ആസൂത്രണങ്ങളിൽ ലക്ഷ്യപ്രാപ്തി നേടും. പൂർവികസ്വത്ത് രേഖാപരമായി ലഭിക്കും. 

 

ഭരണി: പ്രതികൂല സാഹചര്യങ്ങളെ അതിജീവിക്കുവാൻ സാധിക്കും. പ്രവർത്തനമേഖലയിൽ വ്യത്യസ്തമായ ശൈലി അവലംബിക്കും. പ്രത്യുപകാരം ചെയ്യുവാൻ അവസരമുണ്ടാകും. 

 

കാർത്തിക: പുതിയ തൊഴിലവസരങ്ങൾ വന്നുചേരുമെങ്കിലും അധ്വാനഭാരം വർധിക്കും. ആഗ്രഹ സാഫല്യത്താൽ ആത്മനിർവൃതിയുണ്ടാകും.  ആയുർവേദ ചികിത്സ തുടങ്ങും. 

 

രോഹിണി: പാരമ്പര്യ പ്രവൃത്തികളിൽ വ്യാപൃതനാകും. വരവും ചെലവും തുല്യമായിരിക്കും. നയതന്ത്രങ്ങൾ ആവിഷ്കരിക്കുന്നതിൽ ലക്ഷ്യപ്രാപ്തി നേടും. അതിഥി സൽക്കാരത്തിന് അധികച്ചെലവ് അനുഭവപ്പെടും. 

 

മകയിരം: കലാകായികമത്സരങ്ങൾക്ക് പരിശീലനം തുടങ്ങും. ശുഭാപ്തിവിശ്വാസത്താൽ പുതിയ പ്രവർത്തനങ്ങൾ ഏറ്റെടുക്കും. വാക്കും പ്രവൃത്തിയും ഫലപ്രദമാകും. പാരമ്പര്യ വൃത്തികളിൽ പരിശീലനം നേടും. 

 

തിരുവാതിര: പ്രതിസന്ധികളെ അതിജീവിക്കുവാൻ സാധിക്കും. സാഹചര്യങ്ങൾക്കനുസരിച്ച് സ്വയംപര്യാപ്തത ആർജിക്കും. ഗുരുനാഥന്റെ ഉപദേശം സ്വീകരിച്ച് പുതിയ പ്രവർത്തനങ്ങൾക്കു രൂപകൽപന ചെയ്യും. 

 

പുണർതം:  പുതിയ സ്നേഹബന്ധം ഉടലെടുക്കും. ഉത്സാഹവും ഉന്മേഷവും ആത്മവിശ്വാസവും പ്രവർത്തനക്ഷമതയും വർധിക്കും. വ്യവസ്ഥകൾ പാലിക്കും. വിദ്യാർഥികൾക്ക് അനുകൂല അവസരങ്ങൾ വന്നു ചേരും. 

 

പൂയം: പുതിയ ഭരണസംവിധാനം നടപ്പിൽ വരുത്തുവാൻ മേലധികാരികളുടെ അനുമതി തേടും. ബന്ധുസഹായത്താൽ വ്യാപാരം വിപുലീകരിക്കും. കുടുംബ ജനങ്ങളോടുള്ള സാമീപ്യവും സംരക്ഷണ ചുമതലയും കുറയും.

 

ആയില്യം: പുതിയ ഉദ്യോഗത്തിന് അവസരം ലഭിക്കും. സത്യസന്ധമായ പ്രവർത്തനങ്ങൾ ലക്ഷ്യപ്രാപ്തി കൈവരിക്കും. ക്രയവിക്രയങ്ങളിൽ സാമ്പത്തികനേട്ടം ഉണ്ടാകും. 

 

മകം: സ്വന്തമായി വ്യാപാരം തുടങ്ങുവാൻ തീരുമാനിക്കും. കാര്യസാധ്യങ്ങൾക്കായി നിലപാടിൽ മാറ്റങ്ങൾ വരുത്തുവാൻ തയാറാകും. സഹപാഠികളോടൊപ്പം ഉപരിപഠനത്തിന് ചേരുവാനിടവരും. 

 

പൂരം: ആത്മവിശ്വാസം വർധിക്കും. ഗൃഹനിർമാണം പുനരാരംഭിക്കും. കലാകായിക മത്സരങ്ങൾക്കു പരിശീലനം തുടങ്ങും. വെല്ലുവിളികളെ നേരിടുവാൻ ആർജവമുണ്ടാകും. 

 

ഉത്രം: അസുഖങ്ങൾക്ക് ആയുർവേദ ചികിത്സ തുടങ്ങും. വിശേഷപ്പെട്ട ദേവാലയ ദർശനം നടത്തുവാനിടവരും. ബന്ധുക്കൾ വിരുന്നു വരും. സാഹസ പ്രവൃത്തികളിൽ നിന്നു പിന്മാറണം. 

 

അത്തം: കാര്യനിർവഹണശക്തി വർധിക്കും. ആഗ്രഹ സാഫല്യത്താൽ ആത്മനിർവൃതി കൈവരും. പുതിയ ഭരണസംവിധാനം പ്രാബല്യത്തിൽ വരുത്തും. പ്രായാധിക്യമുള്ളവരെ നമസ്കരിക്കുവാനിട വരും. 

 

ചിത്തിര:  സുവ്യക്തമായ നിലപാട് സ്വീകരിക്കുന്നതിൽ ആത്മാഭിമാനം തോന്നും. പാരമ്പര്യ പ്രവൃത്തികളിൽ പരിശീലനം തേടും. ഉദരരോഗം വർധിക്കും. ക്ഷമാശീലം കുറയും. ഗൃഹനിർമാണം പൂർത്തീകരിച്ചു ഗൃഹപ്രവേശം നിർവഹിക്കും.

 

ചോതി: വ്യക്തിത്വം നിലനിർത്തുവാൻ വിട്ടുവീഴ്ചയ്ക്കു തയാറാകും. സ്വപ്നസാക്ഷാത്കാരത്താൽ ആത്മനിർവൃതിയുണ്ടാകും. വിശേഷപ്പെട്ട ദേവാലയദർശനം നടത്തുവാനിടവരും.

 

വിശാഖം: വ്യാപാരം പുനരുദ്ധരിക്കും. വിശ്വസ്തസേവനത്തിന് പ്രശസ്തിപത്രം ലഭിക്കും. അവധിയെടുത്തു മംഗളകർമങ്ങളിൽ പങ്കെടുക്കും. ഭാവനകൾ യാഥാർഥ്യമാകും. 

 

അനിഴം: സ്ഥിതിഗതികൾ വിലയിരുത്തി പുതിയ കർമമേഖലകൾക്കു തുടക്കം കുറിക്കും. ധർമപ്രവൃത്തികൾക്കും പുണ്യപ്രവൃത്തികൾക്കും സർവാത്മനാ സഹകരിക്കും. 

 

തൃക്കേട്ട: കാര്യനിർവഹണ ശക്തിയുള്ള പുത്രന്റെ സമീപനത്തിൽ ആശ്വാസം കണ്ടെത്തും. വാക്തർക്കങ്ങളിൽ നിന്ന് ഒഴിഞ്ഞുമാറുകയാണ് നല്ലത്. മത്സരരംഗങ്ങളിൽ വിജയിക്കും. 

 

മൂലം: വിശേഷപ്പെട്ട ദേവാലയദർശനം നടത്തുവാനിടവരും. പൂർവിക സ്വത്ത് രേഖാപരമായി ലഭിക്കും. സഹപ്രവർത്തകരുടെ സഹായത്താൽ പുതിയ കർമപദ്ധതികൾ ഏറ്റെടുക്കും. ഭാവനകൾ യാഥാർഥ്യമാകും.

 

പൂരാടം: പൂർവികസ്വത്ത് രേഖാപരമായി ലഭിക്കും. കൃത്യനിർവഹണത്തിൽ ലക്ഷ്യപ്രാപ്തി നേടും. ആർജിച്ച വിജ്ഞാനം മറ്റുള്ളവർക്കു പകർന്നു കൊടുക്കുവാൻ അവസരമുണ്ടാകും. 

 

ഉത്രാടം: ഉപരിപഠനത്തിന് ഇതരസംസ്ഥാനത്തിൽ പ്രവേശനം ലഭിക്കും. സഹകരണ പ്രസ്ഥാനങ്ങളുടെ സാരഥ്യം ഏറ്റെടുക്കുവാൻ തയാറാകും. കുടുംബത്തിൽ സ്വസ്ഥതയും സമാധാനവും ദാമ്പത്യ ഐക്യതയും ഉണ്ടാകും.

 

തിരുവോണം: കുടുംബസമേതം മംഗളകർമങ്ങളിൽ പങ്കെടുക്കും. സാഹചര്യങ്ങൾക്കനുസരിച്ചു ജീവിക്കുവാൻ തയാറാകും. പുതിയ ഉത്തരവാദിത്തങ്ങൾ ഏറ്റെടുക്കും. കുടുംബത്തിൽ ആഹ്ലാദകരമായ അന്തരീക്ഷം സംജാതമാകും. 

 

അവിട്ടം: അമിതമായ ആത്മവിശ്വാസം വേണ്ട. സംയുക്ത സംരംഭങ്ങളിൽ നിന്നു പിന്മാറി സ്വന്തമായ പ്രവൃത്തികൾക്കു തുടക്കം കുറിക്കും. 

 

ചതയം: മാതാപിതാക്കളുടെ ആവശ്യങ്ങൾ സാധിപ്പിക്കും. ബന്ധുവിന്റെ ഗൃഹപ്രവേശന ചടങ്ങിൽ പങ്കെടുക്കും.  കാര്യകാരണ സഹിതം സമർപ്പിച്ച പദ്ധതികൾക്ക് അനുകൂല പ്രതികരണമുണ്ടാകും. 

 

പൂരുരുട്ടാതി: കാര്യനിർവഹണ ശക്തി വർധിക്കും. പുതിയ ഭരണസംവിധാനം അവലംബിക്കും. പ്രയത്നങ്ങൾക്കു ഫലമുണ്ടാകും. വിജ്ഞാനപ്രദമായ ചർച്ചകൾ നടക്കും.

 

ഉത്തൃട്ടാതി: വ്യവസ്ഥകൾക്കതീതമായി പ്രവർത്തിക്കുവാൻ സാധിക്കും. പുതിയ വ്യാപാരം തുടങ്ങുവാൻ വിദഗ്ധ നിർദേശം തേടും. പുത്രപൗത്രാദി സംരക്ഷണത്താൽ ആശ്വാസമുണ്ടാകും. 

 

രേവതി: ഔദ്യോഗികമായി അന്യദേശയാത്രയ്ക്ക് അവസരമുണ്ടാകും. അവധിദിവസവും ജോലി ചെയ്യേണ്ടതായി വരും. ബന്ധു ഗൃഹത്തിലേക്കു യാത്ര പുറപ്പെടും. സന്താനങ്ങളുടെ ഉയർച്ചയിൽ ആത്മാഭിമാനം തോന്നും. 

 

Content Summary : Weekly Star Prediction by Kanippayyur / 2023 January 22 to 28