ഫെബ്രുവരിയിലെ സമ്പൂർണ നക്ഷത്രഫലം ; മകയിരം ,തിരുവാതിര, പുണർതം ,പൂയം

മകയിരം :അർധമനസ്സോടുകൂടി ആണെങ്കിലും ഏറ്റെടുത്ത കാര്യങ്ങൾ ചെയ്തു തീർക്കുവാൻ സാധിക്കും. ഭയഭക്തിബഹുമാനത്തോടു കൂടി ചെയ്യുന്ന കാര്യങ്ങളിൽ വിജയം കൈവരിക്കും. അഗ്നി, ആയുധം, ധനം എന്നിവ കൈകാര്യം ചെയ്യുമ്പോൾ ശ്രദ്ധിക്കേണ്ടതാണ്. സഹജമായ കഴിവുകൾക്ക് അംഗീകാരം ലഭിക്കുവാനും മകയിരം നക്ഷത്രക്കാർക്ക് ഈ ഫെബ്രുവരി മാസത്തിൽ യോഗം കാണുന്നു. 

തിരുവാതിര: നിശ്ചയിച്ചുറപ്പിച്ച കാര്യങ്ങൾക്ക് പ്രാരംഭത്തിൽ ചില തടസ്സങ്ങൾ അനുഭവപ്പെടാം. ചെറിയ തോതിലുള്ള വാഹനാപകടങ്ങൾക്ക് സാധ്യത കാണുന്നു. സ്വപ്നങ്ങൾ സാക്ഷാത്കരിക്കും. ചിരകാലാഭിലാഷമായ വിദേശയാത്രയ്ക്ക് അനുമതി ലഭിക്കുവാനും തിരുവാതിര നക്ഷത്രക്കാർക്ക് ഈ ഫെബ്രുവരി മാസത്തിൽ യോഗം കാണുന്നു. 

പുണർതം: മംഗളകർമങ്ങളിൽ പങ്കെടുക്കുവാൻ അവസരം വന്നു ചേരും. നിശ്ചയദാർഢ്യത്തോടു കൂടി ചെയ്യുന്ന പ്രവർത്തനങ്ങളിൽ അനുകൂലമായ വിജയം കൈവരിക്കും. ഗൃഹത്തിന്റെ അറ്റകുറ്റപ്പണികൾ തുടങ്ങി വയ്ക്കും. പഠിച്ചവിദ്യപ്രാവർത്തികമാക്കുവാനും പുണർതം നക്ഷത്രക്കാർക്ക് ഈ ഫെബ്രുവരി മാസത്തിൽ യോഗം കാണുന്നു. 

പൂയം: തൊഴിൽ മേഖലകളിൽ പലവിധത്തിലുള്ള തടസ്സങ്ങൾ അനുഭവപ്പെടാം. ഉദ്യോഗത്തിൽ സ്ഥാനക്കയറ്റം ലഭിക്കാം. പണം കടം കൊടുക്കുന്നതും ജാമ്യം നിൽക്കുന്നതും സ്വന്തം ഉത്തരവാദിത്തങ്ങൾ മറ്റൊരാളെ ഏൽപിക്കുന്നതും അബദ്ധമായിത്തീരും. വന്നു ചേരുന്ന അവസരങ്ങള്‍ പരമാവധി ഉപയോഗപ്പെടുത്തുവാനും പൂയം നക്ഷത്രക്കാർക്ക് ഈ ഫെബ്രുവരി മാസത്തിൽ യോഗം കാണുന്നു. 

Content Summary: Monthly Prediction by Kanippayyur February 2023 / Makayiram,Thiruvathira, Punartham, Pooyam