മീനച്ചിലാർ കര കവിഞ്ഞു; വെള്ളംകയറിയ പ്രദേശങ്ങൾ ഇവിടെ, യാത്ര ചെയ്യുന്നവർ ശ്രദ്ധിക്കുക...

കോട്ടയം ∙ മീനച്ചിലാർ കര കവിഞ്ഞു. നഗരവും പരിസര പ്രദേശങ്ങളും വെള്ളക്കെട്ടിൽ.
∙നഗരസഭാ മേഖലയിൽ നാഗമ്പടം, കാരാപ്പുഴ, ചുങ്കം, ഇല്ലിക്കൽ, താഴത്തങ്ങാടി, പാറപ്പാടം, പുളിക്കമറ്റം, 15 ൽ കടവ്, കല്ലുപുരയ്ക്കൽ, പുളിനായ്ക്കൽ, വേളൂർ, തുടങ്ങിയ മേഖലകളിൽ വെള്ളം കയറിയ നിലയിൽ.
∙ പാറപ്പാടം ക്ഷേത്രം വെള്ളത്തിൽ മുങ്ങി
∙. അയ്മനം, മണർകാട്, അയർക്കുന്നം പ്രദേശങ്ങൾ വെള്ളത്തിലാണ്. പുളിഞ്ചുവട്, ഗൂർഖ്ണ്ഡസാരി, മഹാത്മാ കോളനിഭാഗം, പേരൂർ, പുന്നത്തുറ, മാടപ്പാട് മേഖലയിലും വെള്ളപ്പൊക്കം

∙പാറേക്കടവ്, പായിക്കാട്, ചാമേലിക്കൂഴി, പുളിമൂട്, ഖാദിപ്പടി, വെച്ചൂർക്കവല, പൂവത്തുംമൂട്, അരയിരം, കിണറ്റിൻമൂട്,പുന്നത്തുറ, കമ്പനിക്കടവ്, താഴത്തുകുടി, കക്കയം, പീച്ചുകുഴി എന്നിവിടങ്ങളിലെ 20 വീടുകളിൽ വെള്ളം കയറി.
∙ കക്കയം കിരാതമൂർത്തി ക്ഷേത്രത്തിലെ നാലമ്പലത്തിനുള്ളിൽ ഉൾപ്പെടെ വെള്ളം കയറി.
∙തിരുവാർപ്പ് പഞ്ചായത്തിലെ കുമ്മനം ചെങ്ങളം അയ്മനം പഞ്ചായത്തിന്റെ കല്ലുമട, വല്യാട് പുലിക്കുട്ടിശേരി, ആർപ്പൂക്കര പഞ്ചായത്തിലെ പടിഞ്ഞാറൻ മേഖല തുടങ്ങിയ പ്രദേശങ്ങൾ വെള്ളത്തിൽ

∙മൂന്നാം വർഷവും ചുങ്കം മേഖലയിൽ വെള്ളപ്പൊക്കം. നടപടി എടുക്കാതെ അധികൃതർ. ചുങ്കം -പഴയ സെമിനാരി റോഡിലാണ് ആദ്യം വെള്ളം കയറി വാഹന ഗതാഗതം തടസ്സപ്പെട്ടത്. റോഡിൽ വള്ളമിറക്കിയാണ് റോഡിന്റെ ഇരുവശങ്ങളിലുമുള്ള വീട്ടുകാരെ ക്യാംപുകളിൽ എത്തിച്ചത്.
∙തിരുവാർപ്പ് പഞ്ചായത്തിലെ മാധവശേരി, താമരശേരി, അറുനൂറ്റിമംഗലം, അംബേദ്കർ, പാലത്തറ, പത്തിൽ,തൊണ്ടമ്പ്ര എന്നീ കോളനികളിലെ നൂറിലേറെ വീടുകളിൽ വെള്ളം കയറി.
∙ ചെങ്ങളം, കിളിരൂർ, മലരക്കിൽ, കാഞ്ഞിരം, കുമ്മനം, കളരിക്കൽ, മണിയല, മറ്റത്തിൽ തുടങ്ങിയ പ്രദേശങ്ങളിലെ മുഴുവൻ പുരയിടങ്ങളും വെള്ളത്തിലായി.

∙അയ്മനം പഞ്ചായത്തിന്റെ കല്ലുമട,കുമ്മന ,വാഴക്കാമറ്റം,അയ്ക്കരമാലി,പ്രാപ്പുഴ,ചേനപ്പാടി,മാടശേരി,വല്യാട്,കല്ലുങ്കത്ര, കുടമാളൂർ,പുലിക്കുട്ടിശേരി തുടങ്ങിയ സ്ഥലങ്ങളിൽ വെള്ളം കയറി. കുമരകം പഞ്ചായത്തിലെ പൊങ്ങലക്കരി, കവണാർ ആറ്റുചിറ , കുരിശുചിറ, കണ്ണാടിച്ചാൽ തുടങ്ങിയ മേഖലകളിലും വെള്ളമായി.
∙കാലവർഷക്കെടുതി നേരിടാൻ കുമരകത്ത് തയാറെടുപ്പ് തുടങ്ങി. ശക്തമായ മഴയും ഉരുൾപെട്ടലും മൂലം മീനച്ചിലാറ്റിലെ ജലനിരപ്പ് ഉയർന്നതിനാൽ ഈ മേഖലയിൽ വെള്ളപ്പൊക്കം രൂക്ഷമാകുമെന്ന വിലയിരുത്തലിലാണ് നടപടിയെന്നു പഞ്ചായത്ത് പ്രസിഡന്റ് എ.പി. സലിമോൻ പറഞ്ഞു.

വെള്ളം കയറിയ റോഡുകൾ 

∙കോട്ടയം -കുമരകം റോഡിൽ അറവുപുഴ, ആറാട്ടുകടവ്, ചിന്മയ സ്കൂൾ ഭാഗം, ഇല്ലിക്കൽ- 15 ൽ കടവ്, ∙ അയ്മനം- കുഴിത്താർ റോഡ്, തിരുവഞ്ചൂർ–പറമ്പുകര റോഡ്,കോട്ടമുറി–പറമ്പുകര, തൂത്തൂട്ടി റോഡ്, ∙മണർകാട് ബൈപാസിൽ പേരൂർ പുളിമൂട് ഭാഗം, അയർക്കുന്നം–കിടങ്ങൂർ റോഡ്, അയർക്കുന്നം–ഏറ്റുമാനൂർ റോഡ്, ∙മണർകാട്–ഏറ്റുമാനൂർ ബൈപാസിൽ നാലുമണിക്കാറ്റ്, ∙കുമരകം മലരിക്കൽ റോഡ്.

കോട്ടയം ജില്ലയിലെ പ്രധാന റോഡുകളുടെ സ്ഥിതി

∙ കെകെ റോഡിൽ നിലവിൽ തടസ്സങ്ങളില്ല
∙ എംസി റോഡിൽ നാഗമ്പടം ചെമ്പരത്തിമൂട്ടിൽ വെള്ളം, വലിയ വാഹനങ്ങൾ മാത്രം കടന്നു പോകും. ചുങ്കം മെഡിക്കല്‍ കോളജ് വഴി വണ്ടി വഴി തിരിച്ച് വിടുന്നു. എംസി റോഡിൽ മറ്റ് ഭാഗങ്ങളിൽ പ്രശ്നമില്ല.
∙ കോട്ടയം–എറണാകുളം റോഡിൽ ആപ്പാഞ്ചിറയിൽ വെള്ളം കയറിയെങ്കിലും വാഹനങ്ങൾ കടന്നു പോകുന്നു.
∙ വൈക്കം–കോട്ടയം റോഡിൽ തുറുവേലിക്കുന്ന്, വടയാർ പ്രദേശത്ത് വെള്ളം– ഇരുചക്ര വാഹനങ്ങൾ ഒഴികെ കടന്നു പോകുന്നു.
∙ ആലപ്പുഴ–ചങ്ങനാശേരി റോഡിൽ വെള്ളം– ഗതാഗതം തടസ്സപ്പെട്ടു.
∙ പാലാ–ഈരാറ്റുപേട്ട റോഡിൽ മൂന്നാനിയിൽ വെള്ളം– വലിയ വാഹനങ്ങൾ മാത്രം പോകുന്നു. പാലാ കൊട്ടാരമറ്റത്ത് വെള്ളമുണ്ടെങ്കിലും വാഹനങ്ങൾ കടന്നു പോകുന്നു.
∙ ഏറ്റുമാനൂർ– പാലാ റോഡിൽ കിടങ്ങൂർ കോയിച്ചിറപ്പടിയിൽ വെള്ളം. ഇരുചക്ര വാഹനങ്ങൾ ഒഴികെ കടന്നു പോകുന്നു.
∙ പാലാ–തൊടുപുഴ റോഡിൽ ഗതാഗത തടസ്സം ഇല്ല.
∙ പാലാ–പൊന്‍കുന്നം റോഡിൽ ഗതാഗത തടസ്സം ഇല്ല.
∙ മണർകാട്–പട്ടിത്താനം ബൈപാസിൽ പൂവത്തുംമൂട് ഭാഗത്ത് വെള്ളം. വാഹനങ്ങൾ കടന്നു പോകുന്നില്ല.