മലപ്പുറം ജില്ലയിൽ ഇന്ന് (08-06-2023); അറിയാൻ, ഓർക്കാൻ

അധ്യാപക ഒഴിവ് : ചുങ്കത്തറ മാർത്തോമ്മാ ഹയർസെക്കൻഡറി സ്കൂളിൽ ഹയർസെക്കൻഡറി വിഭാഗത്തിൽ ദിവസവേതന അടിസ്ഥാനത്തിൽ ഇംഗ്ലിഷ്, ബോട്ടണി, ഇക്കണോമിക്സ് എന്നീ വിഷയങ്ങളിൽ താൽക്കാലിക അധ്യാപകരുടെ നിയമനത്തിന് അഭിമുഖം 26ന് 10ന് നടക്കും.‌ 9400152300.

∙ വാണിയമ്പലം ഗവ.ഹൈസ്കൂളിൽ എച്ച്എസ്ടി നാച്വറൽ സയൻസ് അധ്യാപകനെ നിയമിക്കുന്നതിനുള്ള അഭിമുഖം 12ന് 10ന്.

∙ വണ്ടൂർ ഗവ.വിഎംസി ജിഎച്ച്എസ്എസിൽ ഹൈസ്കൂൾ ഫിസിക്കൽ എജ്യുക്കേഷൻ അധ്യാപക നിയമനത്തിനുള്ള അഭിമുഖം നാളെ 10.30ന്.

അപേക്ഷ ക്ഷണിച്ചു

∙ കോഡൂർ ഗ്രാമപ്പഞ്ചായത്ത് ഓഫിസ് കെട്ടിടത്തിൽ പ്രവർത്തിക്കുന്ന സി-ഡിറ്റ് ഉപകേന്ദ്രം മുഖേന നടത്തുന്ന വിവിധ പിഎസ്‌സി അംഗീകൃത കംപ്യൂട്ടർ കോഴ്‌സുകളിലേക്ക് അപേക്ഷ ക്ഷണിച്ചു. പട്ടിക വിഭാഗങ്ങൾക്കും ബിപിഎൽ കുടുംബങ്ങൾക്കും നാലിലൊന്ന് ഫീസിളവ് ലഭിക്കും. ആദ്യ ബാച്ച് 14ന് ആരംഭിക്കും. 9446691760.

 ∙ സംസ്ഥാന ന്യൂനപക്ഷ ക്ഷേമ വകുപ്പിനു കീഴിൽ മലപ്പുറം മേൽമുറി മഅദിൻ അക്കാദമിയിൽ പ്രവർത്തിക്കുന്ന ന്യൂനപക്ഷ യുവജന പരിശീലന ഉപകേന്ദ്രത്തിൽ പിഎസ്‌സി /യുപിഎസ്‌സി മത്സര പരീക്ഷകൾ എഴുതുന്ന ഉദ്യോഗാർഥികൾക്ക് അവധിദിന പരിശീലനത്തിന് അപേക്ഷ ക്ഷണിച്ചു. 18 വയസ്സ് പൂർത്തിയായ പ്ലസ്ടു യോഗ്യതയുള്ള ന്യൂനപക്ഷ വിഭാഗത്തിൽ പെട്ടവർക്കാണ് അവസരം. പരിശീലനം പൂർണമായും സൗജന്യം. അവസാന തീയതി 24. 7025886699, 9995950868.

കോഷൻ ഡിപ്പോസിറ്റ്

∙ ചെമ്മങ്കടവ് പിഎംഎസ്എഎംഎഎച്ച്എസ്എസിലെ 2020–22 വർഷം പഠിച്ചവരുടെ കരുതൽ ധനം (കോഷൻ ഡിപ്പോസിറ്റ്) 13ന് മുൻപ് സ്കൂളിലെത്തി സ്വീകരിക്കണം. 0483 2800001, 94476 28181.

ആയ ഒഴിവ്

∙ വാണിയമ്പലം ഗവ.ഹൈസ്കൂളിൽ സ്കൂൾ ബസിൽ ആയയെ നിയമിക്കുന്നതിനുള്ള അഭിമുഖം നാളെ 10ന്.

അറ്റൻഡർ

∙ മഞ്ചേരി പുല്ലൂർ ജിയുപി സ്കൂളിൽ ഓഫിസ് അറ്റൻഡർ നിയമനത്തിനുള്ള ഇന്റർവ്യൂ നാളെ 10ന്.