പാലക്കാട് ജില്ലയിൽ ഇന്ന് (19-08-2022); അറിയാൻ, ഓർക്കാൻ

ഡേ‍ാക്ടർ നിയമനം

പാലക്കാട്∙ പാലക്കാട് ജില്ലാ ആശുപത്രിയിൽ ജില്ലാ മാനസിക ആരോഗ്യ പരിപാടിയിലേക്ക് താൽക്കാലിക അടിസ്ഥാനത്തിൽ ഡേ‍ാക്ടറെ നിയമിക്കും. അടിസ്ഥാന യോഗ്യത എംബിബിഎസ് (ടിസിഎംസി റജിസ്‌ട്രേഷൻ നിർബന്ധം). താൽക്കാലിക അടിസ്ഥാനത്തിൽ സൈക്യാട്രിസ്റ്റിനെയും നിയമിക്കും.അടിസ്ഥാന യോഗ്യത എംബിബിഎസ്, എംഡി/ഡിപ്ലോമ ഇൻ സൈക്യാട്രിക് മെഡിസിൻ ഡിപിഎം/ഡിഎൻബി.  ബയോഡേറ്റയും യോഗ്യതാ രേഖകളുടെ പകർപ്പുകളും സഹിതം 25ന് മുൻപ്  hrdistricthospitalpkd@gmail.com എന്ന മെയിൽ ഐഡിയിൽ അപേക്ഷിക്കണം.  

അധ്യാപക ഒഴിവ്

പാലക്കാട്∙ പട്ടാമ്പി സർക്കാർ സംസ്‌കൃത കോളജിൽ ഇംഗ്ലിഷിൽ ഗെസ്റ്റ് അധ്യാപക ഒഴിവുണ്ട്. കൂടിക്കാഴ്ച 19ന് 10.30ന്.

∙ പത്തിരിപ്പാല ഗവ. ആർട്‌സ് ആൻഡ് സയൻസ് കോളജിൽ പൊളിറ്റിക്കൽ സയൻസ് വിഷയത്തിൽ ഗെസ്റ്റ് അധ്യാപക നിയമനത്തിന് 29ന് 10ന് കോളജിൽ കൂടിക്കാഴ്ച നടക്കും.  ഫോൺ: 0491 2873999.

∙ കുഴൽമന്ദം പോളിടെക്നിക് കോളജിൽ സിവിൽ എൻജിനീയറിങ് വിഭാഗത്തിൽ താൽക്കാലിക അധ്യാപക ഒഴിവിലേക്ക് അപേക്ഷിക്കാം. സിവിൽ എൻജിനീയറിങ്ങിൽ ഒന്നാം ക്ലാസ് ബിരുദമാണ് യോഗ്യത. 20ന് ഒൻപതിന് സർട്ടിഫിക്കറ്റുകൾ സഹിതം എത്തണം. ഫോൺ: 8547005086