എൽഡി ക്ലാർക്ക് അപേക്ഷാ സമർപ്പണം ഡിസംബർ 18ന് അവസാനിച്ചപ്പോൾ 14 ജില്ലകളിലായി അപേക്ഷ നൽകിയത് 17,58,338 പേർ. 2016 നെ അപേക്ഷിച്ച് 35,753 അപേക്ഷകൾ ഇത്തവണ കുറഞ്ഞു. ഏറ്റവും കൂടുതൽ പേർ അപേക്ഷ നൽകിയിട്ടുള്ളത് തിരുവനന്തപുരം ജില്ലയിലാണ്– 1,98,186. ഏറ്റവും കുറവ് അപേക്ഷകർ വയനാട് ജില്ലയിൽ– 51,475. തിരുവനന്തപുരത്തിനൊപ്പം കൊല്ലം, ആലപ്പുഴ, കോട്ടയം, എറണാകുളം, തൃശൂർ, പാലക്കാട്, മലപ്പുറം, കോഴിക്കോട്, കണ്ണൂർ ജില്ലകളിലും ഒരു ലക്ഷത്തിലധികം പേർ അപേക്ഷ നൽകിയിട്ടുണ്ട്. 

2016നെ അപേക്ഷിച്ച് 8 ജില്ലകളിൽ എൽഡി ക്ലാർക്ക് അപേക്ഷകർ കുറഞ്ഞു. തിരുവനന്തപുരം, ഇടുക്കി, എറണാകുളം, തൃശൂർ, മലപ്പുറം, കോഴിക്കോട്, വയനാട്, കാസർകോട് ജില്ലകളിലാണ് അപേക്ഷകരുടെ എണ്ണം കുറഞ്ഞത്. കൊല്ലം, പത്തനംതിട്ട, ആലപ്പുഴ, കോട്ടയം, പാലക്കാട്, കണ്ണൂർ ജില്ലകളിൽ കഴിഞ്ഞ തവണത്തേതിനേക്കാൾ അപേക്ഷകർ കൂടി. ആലപ്പുഴ ജില്ലയിലാണ് അപേക്ഷകരുടെ എണ്ണത്തിൽ ഏറ്റവും കൂടുതൽ വർധനവുണ്ടായത്. ഇവിടെ   അപേക്ഷകരുടെ എണ്ണം  88,763 ൽ നിന്ന് 1,01,114 ആയി. വിവിധ ജില്ലകളിലെ എൽഡിസി അപേക്ഷകരുടെ എണ്ണം പട്ടികയിൽ.