സംരംഭങ്ങൾക്ക് പുതിയ റജിസ്ട്രേഷൻ–‘ഉദ്യം’
സൂക്ഷ്മ, ചെറുകിട, ഇടത്തരം സംരംഭങ്ങൾക്ക് എടുക്കേണ്ടത് ഉദ്യം റജിസ്ട്രേഷനാണെന്നു വ്യക്തമാക്കി കേന്ദ്ര സൂക്ഷ്മ–ചെറുകിട–ഇടത്തരം വ്യവസായ മന്ത്രാലയം വിജ്ഞാപനമിറക്കിയിട്ടുണ്ട്. ചെറുകിട വ്യവസായ സ്ഥാപനങ്ങളുടെ നിർവചനത്തിലെ ഭേദഗതികളും ഈ വിജ്ഞാപനപ്രകാരം അംഗീകരിച്ചിട്ടുണ്ട്.
സൂക്ഷ്മ, ചെറുകിട, ഇടത്തരം സംരംഭങ്ങൾക്ക് എടുക്കേണ്ടത് ഉദ്യം റജിസ്ട്രേഷനാണെന്നു വ്യക്തമാക്കി കേന്ദ്ര സൂക്ഷ്മ–ചെറുകിട–ഇടത്തരം വ്യവസായ മന്ത്രാലയം വിജ്ഞാപനമിറക്കിയിട്ടുണ്ട്. ചെറുകിട വ്യവസായ സ്ഥാപനങ്ങളുടെ നിർവചനത്തിലെ ഭേദഗതികളും ഈ വിജ്ഞാപനപ്രകാരം അംഗീകരിച്ചിട്ടുണ്ട്.
സൂക്ഷ്മ, ചെറുകിട, ഇടത്തരം സംരംഭങ്ങൾക്ക് എടുക്കേണ്ടത് ഉദ്യം റജിസ്ട്രേഷനാണെന്നു വ്യക്തമാക്കി കേന്ദ്ര സൂക്ഷ്മ–ചെറുകിട–ഇടത്തരം വ്യവസായ മന്ത്രാലയം വിജ്ഞാപനമിറക്കിയിട്ടുണ്ട്. ചെറുകിട വ്യവസായ സ്ഥാപനങ്ങളുടെ നിർവചനത്തിലെ ഭേദഗതികളും ഈ വിജ്ഞാപനപ്രകാരം അംഗീകരിച്ചിട്ടുണ്ട്.
എസ്എസ്ഐ റജിസ്ട്രേഷനും ഓൻട്രപ്രണർ മെമ്മോറാണ്ടവും ഉദ്യോഗ് ആധാറും കടന്ന് ‘ഉദ്യം’ റജിസ്ട്രേഷനിൽ എത്തുകയാണു ചെറുകിട വ്യവസായ മേഖല. ഇക്കഴിഞ്ഞ ജൂലൈ 1 മുതൽ സൂക്ഷ്മ, ചെറുകിട, ഇടത്തരം സംരംഭങ്ങൾക്ക് എടുക്കേണ്ടത് ഉദ്യം റജിസ്ട്രേഷനാണെന്നു വ്യക്തമാക്കി കേന്ദ്ര സൂക്ഷ്മ–ചെറുകിട–ഇടത്തരം വ്യവസായ മന്ത്രാലയം വിജ്ഞാപനമിറക്കിയിട്ടുണ്ട്. ചെറുകിട വ്യവസായ സ്ഥാപനങ്ങളുടെ നിർവചനത്തിലെ ഭേദഗതികളും ഈ വിജ്ഞാപനപ്രകാരം അംഗീകരിച്ചിട്ടുണ്ട്.
ഉദ്യം എങ്ങനെ?
∙സംരംഭം തുടങ്ങാൻ ആഗ്രഹിക്കുന്നയാൾ ഓൺലൈൻ പോർട്ടലായ ഉദ്യം റജിസ്ട്രേഷനിൽ കയറി സ്വയം സാക്ഷ്യപ്പെടുത്തിയ രേഖകളുടെ അടിസ്ഥാനത്തിൽ വേണം അപേക്ഷ സമർപ്പിക്കാൻ. മറ്റു രേഖകൾ അപ്ലോഡ് ചെയ്യേണ്ടതില്ല. ആധാർ നമ്പർ മാത്രം മതിയാകും.
∙റജിസ്ട്രേഷൻ നടപടികൾ പൂർത്തിയാക്കിയാൽ ഉദ്യം റജിസ്ട്രേഷൻ നമ്പറും തുടർന്നു റജിസ്ട്രേഷൻ സർട്ടിഫിക്കറ്റും ലഭിക്കും.
∙പോർട്ടലിൽ കാണുന്ന റജിസ്ട്രേഷൻ ഫോമിൽ സൗജന്യമായി അപേക്ഷ സമർപ്പിക്കാം.
∙ഒരേ സംരംഭത്തിന് ഒന്നിൽക്കൂടുതൽ റജിസ്ട്രേഷൻ എടുക്കാൻ പാടില്ല. നിർമാണവും സേവനവും മറ്റ് അധികപ്രവൃത്തികളും ഒന്നിൽത്തന്നെ ഉൾപ്പെടുത്താവുന്നതാണ്.
∙നിലവിൽ ഇഎം–II, ഉദ്യോഗ് ആധാർ എന്നിവ എടുത്തിട്ടുളവർ നിർബന്ധമായി പുതിയ റജിസ്ട്രേഷൻ എടുക്കണം. അവരുടെ നിലവിലെ റജിസ്ട്രേഷന്റെ കാലാവധി 2021 മാർച്ച് 31 വരെ ആയിരിക്കും.
∙മറ്റ് ഏതൊരു സ്ഥാപനവുമായോ എംഎസ്എംഇ മന്ത്രാലയവുമായോ റജിസ്ട്രേഷൻ ഉണ്ടെങ്കിലും ഉദ്യം റജിസ്ട്രേഷൻ എടുക്കേണ്ടതാണ്.
∙ഉദ്യം റജിസ്ട്രേഷൻ പുതുതായി എടുക്കുന്നതും നിലവിലുള്ളവർ എടുക്കുന്നതും പുതിയ നിർവചനത്തിന്റെ അടിസ്ഥാനത്തിലായിരിക്കും.
പുതിയ നിർവചനം
∙സൂക്ഷ്മസംരംഭം എന്നാൽ പ്ലാന്റിലും മെഷിനറിയിലും ഉപകരണങ്ങളിലുമുള്ള നിക്ഷേപം ഒരു കോടി അധികരിക്കാതെയും വാർഷിക വിറ്റുവരവ് 5 കോടി അധികരിക്കാതെയും.
∙ചെറുകിട സംരംഭം എന്നാൽ പ്ലാന്റ്, മെഷിനറി ഉപകരണങ്ങൾ എന്നിവയിലെ നിക്ഷേപം 10 കോടിയിൽ കൂടാതെയും വിറ്റുവരവ് 50 കോടിയിൽ കൂടാതെയും.
∙ഇടത്തരം സംരംഭമെന്നാൽ പ്ലാന്റ്, മെഷിനറി ഉപകരണങ്ങൾ എന്നിവയിലെ നിക്ഷേപം 50 കോടിയിൽ കൂടാതെയും വിറ്റുവരവ് 250 കോടിയിൽ കൂടാതെയും.
∙സംയുക്ത മാനദണ്ഡത്തിൽ ഏതെങ്കിലും ഒരിനത്തിൽ വ്യത്യാസം വന്നാൽ അതനുസരിച്ചു കാറ്റഗറിയും മാറും. എന്നാലും സ്ഥാപനത്തിന് ഉയർന്ന കാറ്റഗറിയിലേക്കു മാത്രമേ മാറാൻ കഴിയൂ.
∙കയറ്റുമതി ചെയ്യുന്ന സ്ഥാപനങ്ങൾക്ക് അതിന്റെ മൂല്യം ഒഴിവാക്കിയേ വിറ്റുവരവ് കണക്കാക്കൂ.
∙എസ്എംഎംഇ ഡവലപ്മെന്റ് ഇൻസ്റ്റിറ്റ്യൂട്ട്, ജില്ലാ വ്യവസായ കേന്ദ്രങ്ങൾ എന്നിവ റജിസ്ട്രേഷൻ നടപടികൾ സുഗമമാക്കാനുള്ള ഏകജാലക സംവിധാനമായി പ്രവർത്തിക്കും.
(സംസ്ഥാന വ്യവസായ– വാണിജ്യ വകുപ്പ് ഡപ്യൂട്ടി ഡയറക്ടറാണു ലേഖകൻ)
English Summary: Udyam Registration for Small & Medium Enterprises