ഹൈബ്രിഡ് രീതിയിലുള്ള ഇന്റേൺഷിപ് ചെയ്യാം പാലാ ഐഐടിയിൽ

ബിടെക്, ബിഎസ്‌സി, ബിസിഎ, എംടെക്, എംഎസ്‌സി, എംസിഎ മുതലായ കോഴ്സുകളിൽ പഠിക്കുന്നവർക്ക് മേയ് 6 മുതൽ 4 – 8 ആഴ്ചത്തെ ഇൻസ്റ്റിറ്റ്യൂട്ട് ഇന്റേൺഷിപ് (iINT-'24). സങ്കര (ഹൈബ്രിഡ്) രീതിയിലുള്ള ഇന്റേൺഷിപ് രണ്ടാഴ്ച പാലാ ക്യാംപസിൽ അധ്യാപകരുടെ നേരിട്ടുള്ള മേൽനോട്ടത്തിലും ശേഷിച്ച ആറാഴ്ച ഓൺലൈനായും നിർവഹിക്കാം. ഇൻസ്റ്റിറ്റ്യൂട്ടിലെ ഏതു ഗവേഷണ ഗ്രൂപ്പിനോടൊത്തും പ്രവർത്തിക്കാം.

താൽപര്യമുള്ള വിഷയത്തിലെ വിദഗ്ധാധ്യാപകരെ https://iiitkottayam.ac.in എന്ന സൈറ്റിലെ people – faculty ലിങ്ക് നോക്കി തിരഞ്ഞെടുക്കാം. ഏപ്രിൽ 21ന് അകം പ്രോഗ്രാം ഫീ 5000 രൂപ ഓൺലൈനായി അടച്ച് അപേക്ഷിക്കണം. അപേക്ഷാരീതി വെബ് സൈറ്റിലുണ്ട്. Indian Institute of Information Technology Kottayam, Valavoor, Pala–686635, ഫോൺ: 0482–2202204, internship@iiitkottayam.ac.in വെബ്: https://internship.iiitkottayam.ac.in.

സ്പെഷലൈസേഷൻ ഇന്റേൺഷിപ് അപേക്ഷ 10 വരെ

‘ഇന്റലിജന്റ് ഇന്റഗ്രേറ്റഡ് സർക്കീറ്റ്സ് ആൻഡ് സിസ്റ്റംസ്’ ഗവേഷണഗ്രൂപ്പിന്റെ നിയന്ത്രണത്തിൽ നിർദിഷ്ട മേഖലകളിൽ മാത്രം ഇന്റേൺഷിപ്. ഹൈബ്രിഡ് രീതിയിൽ 2–6 മാസം. ഓൺലൈൻ അപേക്ഷ 10 വരെ. പ്രോഗ്രാം ഈ മാസം 15നു തുടങ്ങും. വിവരങ്ങൾക്ക് https://i2cs.iiitkottayam.ac.in എന്ന സൈറ്റിലെ ബന്ധപ്പെട്ട ലിങ്ക് നോക്കാം. റജിസ്ട്രേഷന് http://tinyurl.com/6v2x96kj.

പ്രോജക്ട് മേഖലകൾ: ഡീപ് ലേണിങ് ആർക്കിടെക്ചേഴ്സ്, അപ്രോക്സിമേറ്റ് കംപ്യൂട്ടിങ്, ഹാർഡ്‌വെയർ സെക്യൂരിറ്റി, വൈബ്രേഷൻ എനർജി ഹാർവെസ്റ്റിങ്, അക്കൂസ്റ്റിക് സോഴ്സ് ലോക്കലൈസേഷൻ, സെൻസർ നെറ്റ്‌വർക്സ്, എൽഎൻഎ ഫോർ ആർഎഫ് ട്രാൻസീവേഴ്സ്, വോൾട്ടേജ് കൺട്രോൾഡ് ഓസിലേറ്റേഴ്സ്, അഡ്വാൻസ്ഡ് എംഒഎസ് ഡിവൈസസ്, സ്റ്റാറ്റിക് റാം, മെറ്റീരിയൽ കാരക്റ്ററൈസേഷൻ ആൻഡ് ഡേറ്റ ഇന്റർപ്രട്ടേഷൻ, എനർജി സ്റ്റോറേജ് ആപ്ലിക്കേഷൻസ് യുജി, പിജി കോഴ്സുകൾ പഠിക്കുന്നവർക്കും പഠനം പൂർത്തിയാക്കിയവർക്കും അപേക്ഷിക്കാം. ഇന്റേണുകളുടെ പ്രാഥമികപട്ടിക തയാറായശ‌േഷം 5000 രൂപ ഇന്റേൺഷിപ് ഫീയടയ്ക്കണം. ഫോൺ: 0482–2202167, i2cs@iiitkottayam.ac.in.