പ്ലസ് വൺ അപേക്ഷ 29ന് : സര്‍ട്ടിഫിക്കറ്റ് അപ്‌ലോഡ് ചെയ്യേണ്ട
പ്ലസ് വണ്ണിനുള്ള ഓണ്‍ലൈന്‍ ഏകജാലക അപേക്ഷ 29നു വൈകിട്ട് അഞ്ചുമുതല്‍. വെബ്‌സൈറ്റ്: https://www.hscap.kerala.gov.in/
കോവിഡ് നിയന്ത്രണങ്ങളുടെ പശ്ചാത്തലത്തിൽ പ്രവേശന നടപടികൾ ലളിതമാക്കും. പ്രവേശന മാർഗനിർദേശങ്ങൾ ഇന്നു പുറത്തിറക്കാനാണു ശ്രമം. അപേക്ഷയ്ക്കൊപ്പം വിദ്യാർഥികൾ സർട്ടിഫിക്കറ്റുകൾ ഓൺലൈനായി അപ്‌ലോഡ് ചെയ്യണമെന്ന വ്യവസ്ഥ ഒഴിവാക്കും. അപേക്ഷാ ഫീസ് പ്രവേശന സമയത്ത് അടച്ചാൽ മതി.
അപേക്ഷയുടെ പ്രിന്റൗട്ട് മുൻ വർഷങ്ങളിലെപ്പോലെ വെരിഫിക്കേഷനു വേണ്ടി സ്കൂളുകളിൽ സമർപ്പിക്കേണ്ടിവരില്ല. അപേക്ഷ സമർപ്പണത്തിനു ശേഷം മൊബൈൽ വൺ ടൈം പാസ്‌വേഡ് നൽകി കാൻഡിഡേറ്റ് ലോഗിൻ വാങ്ങണം. ഇതുവഴിയായിരിക്കും തുടർപ്രവർത്തനങ്ങൾ.
English Summary : Plus One Admission