മെഡിക്കൽ യുജി കോഴ്സ് പ്രവേശനം; കൗൺസലിങ് സമയപ്പട്ടിക പ്രസിദ്ധീരിച്ചു

എംബിബിഎസും ബിഡിഎസും അടക്കമുള്ള മെഡിക്കൽ യുജി കോഴ്സുകളിൽ 2021–22 വർഷത്തെ പ്രവേശനത്തിനു കേന്ദ്ര മെഡിക്കൽ കൗൺസലിങ് കമ്മിറ്റിയും സംസ്ഥാനതല പ്രവേശനാധികാരികളും നടത്തേണ്ട കൗൺസലിങ്ങിനുള്ള സമയവിവരപ്പട്ടിക നാഷനൽ മെഡിക്കൽ കമ്മിഷൻ പ്രസിദ്ധപ്പെടുത്തി.

പൂർണവിവരങ്ങൾ www.nmc.org.in എന്ന സൈറ്റിലെ What's New ലിങ്കിലുണ്ട്. ചുരുങ്ങിയ സമയത്തിനുള്ളിൽ പ്രവേശന പ്രക്രിയകൾ പൂർത്തിയാക്കേണ്ടതിനാൽ, പങ്കെടുക്കുന്ന എല്ലാ കോളജുകളും മറ്റു സ്ഥാപനങ്ങളും ശനിയും ഞായറുമുൾപ്പെടെ എല്ലാ അവധിദിവസങ്ങളും പ്രവൃത്തിദിവസങ്ങളായി കരുതണമെന്നു കമ്മിഷൻ നിർദേശിച്ചിട്ടുണ്ട്. 

വേഗം തീരുമാനമെടുത്ത് തൊട്ടടുത്ത തീയതികളിൽ ദൂരയാത്ര ചെയ്യേണ്ട സാഹചര്യം ഉണ്ടാകാമെന്നതിനാൽ രക്ഷിതാക്കൾ കാലേകൂട്ടി വേണ്ടത്ര ആസൂത്രണം ചെയ്യണം.

Content Summary :  Medical UG counselling schedule 2021 released