കാഞ്ഞിരപ്പള്ളി ∙ മൈക്ക സ്കൂൾ നല്ലപാഠം ക്ലബ്ബും യൂത്ത് ഫ്രണ്ട്സ് ചാരിറ്റബിൾ സൊസൈറ്റിയും ചേർന്നു സ്ഥാപിച്ച നന്മ ബോക്സ് ശ്രദ്ധേയമാകുന്നു. ബിസ്കറ്റ്, പേസ്റ്റ്, സോപ്പ്, ലോഷൻ, തോർത്ത്, ബെഡ്ഷീറ്റ് ഉൾപ്പെടെ സാധനങ്ങൾ കുട്ടികൾ സ്കൂളിലെ നന്മ ബോക്സിൽ നിക്ഷേപിക്കുകയും അർഹരായ ആളുകളിലേക്ക് എത്തിക്കുകയും ചെയ്യുന്നു. എല്ലാ വ്യാഴാഴ്ചയും പൊതിച്ചോർ വിതരണത്തിനൊപ്പമാണ് നന്മ ബോക്സിലെ സാധനങ്ങളും നൽകുന്നത്. പ്രധാനാധ്യാപിക പി.എ.ലൈല, അഡ്മിനിസ്ട്രേറ്റർ ടി.കെ.ഫസീല, നല്ലപാഠം കോഓർഡിനേറ്റർമാരായ കെ.വി.സിജി, ഇൻസാർ ബീഗം, മാനേജ്മെന്റ് കമ്മിറ്റി അംഗം റിയാസ് കാൾടെക്സ് തുടങ്ങിയവർ നേതൃത്വം നൽകുന്നു.