കൽക്കട്ട ജനറൽ പോസ്റ്റ് ഓഫീസ് ആരംഭിച്ചത് ആര്?

∙ ലോകാരോഗ്യ സംഘടനയുടെ നേതൃത്വത്തിൽ ലോക പുകയില വിരുദ്ധ ദിനമായി ആചരിക്കുന്നു. 1987 ലാണ് ഇതു സംബന്ധിച്ച പ്രഖ്യാപനം ഉണ്ടായത്. 

∙ തപാൽ സേവനം പൊതുജനങ്ങൾക്കു ലഭ്യമാക്കാനായി ഗവർണർ ജനറൽ വാറൻ ഹേസ്റ്റിങ്സ് കൽക്കട്ട ജനറൽ പോസ്റ്റ് ഓഫിസ് ആരംഭിച്ചു (1774).

∙സ്വാമി വിവേകാനന്ദന്റെ ചരിത്രപ്രസിദ്ധമായ യുഎസ് യാത്ര ബോംബെയിൽ നിന്ന് ആരംഭിച്ചു (1893). എസ്എസ് പെനിൻസുലാർ' എന്ന കപ്പലിലായിരുന്നു യാത്ര.

∙'ടൈറ്റാനിക്' കപ്പൽ നീറ്റിലിറക്കി (1911). അയർലൻഡിലെ ബെൽഫാസ്റ്റിൽ വിക്ടോറിയ ചാനലിലാണ് ആദ്യം ഇറക്കിയത്. 

∙മലയാളത്തിലും ഇംഗ്ലീഷിലും ശ്രദ്ധ നേടിയ എഴുത്തുകാരി മാധവിക്കുട്ടി (കമലാസുരയ്യ) പുണെയിൽ അന്തരിച്ചു (2009).

∙ വിഖ്യാത ചിത്രകാരൻ കെ.സി.എസ്. പണിക്കർ ജനിച്ചു (1911). ചെന്നൈയിലെ ചോളമണ്ഡലം കലാഗ്രാമത്തിന്റെ സ്ഥാപകനാണ്. 

∙സംവിധായകൻ ജോൺ  ഏബ്രഹാം കോഴിക്കോട് മിഠായിത്തെരുവിലെ കെട്ടിടത്തിൽനിന്നു വീണു മരിച്ചു (1987). അമ്മ അറിയാൻ, ചെറിയാച്ചന്റെ ക്രൂരകൃത്യങ്ങൾ, വിദ്യാർഥികളെ ഇതിലെ ഇതിലെ, അഗ്രഹാരത്തിലെ കഴുത എന്നിവയാണു സംവിധാനം ചെയ്‌ത ചിത്രങ്ങൾ.

English Summary: Exam Guide - May 31 - Today in history