23-ാം വയസ്സിൽ ഐ‌എ‌എസ്; സഫ്ന നസറുദ്ദീൻ നയിക്കുന്ന സൗജന്യ സിവിൽ സർവീസ് ഓറിയന്റേഷൻ സെമിനാർ

യുപിഎസ്‌സി സിവിൽ സർവീസസ് പരീക്ഷയിൽ വിജയം കൈവരിക്കാൻ ആഗ്രഹിക്കുന്നവർക്കായി  മലയാള മനോരമയുടെ എജ്യൂക്കേഷൻ പോർട്ടലായ മനോരമ ഹൊറൈസൺ സൗജന്യ വെബിനാർ ഒരുക്കുന്നു. പ്രമുഖ സിവിൽ സർവീസ് പരിശീലന കേന്ദ്രമായ ഫോർച്യൂൺ ഐ എ എസ് അക്കാദമിയുടെ സഹകരണത്തോടെയാണ് ഈ വെബിനാർ സംഘടിപ്പിച്ചിരിക്കുന്നത്. 

സിവിൽ സർവീസ് നേടിയെടുക്കണം എന്നാഗ്രഹിക്കുന്ന, എന്നാൽ അതിനു എങ്ങനെ തയാറെടുക്കണം എന്ന് വ്യക്തമായ രൂപരേഖ ഇല്ലാത്ത വിദ്യാർഥികൾക്ക് സഹായകമാകുന്ന രീതിയിലാണ് ഈ വെബിനാർ ഒരുക്കിയിരിക്കുന്നത്. സിവിൽ സർവീസിനു തയ്യാറെടുക്കുമ്പോൾ അടിസ്ഥാനപരമായി ശ്രദ്ധിക്കേണ്ട കാര്യങ്ങൾ , പരീക്ഷയുടെ വിവിധ ഘട്ടങ്ങൾ, ഇങ്ങനെ ഉദ്യോഗാർഥികളുടെ എല്ലാവിധ സംശയങ്ങൾക്കും വെബിനാറിലൂടെ ഉത്തരം ലഭിക്കുന്നതാണ്. 

പരിശീലനത്തിന്റെ ഭാഗമായി മലപ്പുറം അസിസ്റ്റന്റ് കളക്ടറായി ചുമതലയേറ്റെടുത്ത സഫ്ന നസറുദ്ദീൻ ഐ‌എ‌എസ് ആണ് വെബിനാർ നയിക്കുന്നത്. സിവില്‍ സര്‍വീസസ് മോഹിക്കുന്ന ഏതൊരാളും കൊതിക്കുന്ന സ്വപ്‌നതുല്യമായ നേട്ടം 23-ാം വയസ്സിൽ, തന്റെ ആദ്യ ശ്രമത്തിൽ തന്നെ കൈവരിച്ചതിനു പിന്നിലെ പരിശ്രമങ്ങള്‍ വിശദീകരിക്കുന്നതിനൊപ്പം സിവില്‍ സര്‍വീസസ് സ്വപ്നംകാണുന്നവര്‍ക്ക് പ്രചോദനമാവുന്ന ആ അനുഭവങ്ങളും ടിപ്സുകളും ഉദ്യോഗാർഥികളുമായി പങ്കിടുന്നു. 11,12 ക്ലാസ്സുകളിൽ പഠിക്കുന്നവർക്കും, ബിരുദ നടത്തുന്ന  വിദ്യാർഥികൾക്കും  അവരുടെ മാതാപിതാക്കൾക്കുമാണ്  ഈ  വെബിനാർ കൂടുതൽ സഹായകരമാകുന്നത്.

2021 ഏപ്രിൽ 22 വ്യാഴാഴ്ച്ച, വൈകിട്ട് 4 മണിക്ക് നടത്തുന്ന വെബിനാറിൽ പങ്കെടുക്കാൻ ഇന്നുതന്നെ രജിസ്റ്റർ ചെയ്യൂ. സിസ്കോ വെബെക്സ് വഴി നടത്തുന്ന വെബിനാറിൽ സൗജന്യമായി രജിസ്റ്റർ ചെയ്യുവാൻ  https://bit.ly/3mVIfSL എന്ന ലിങ്കിൽ ക്ലിക്ക് ചെയ്യുകയോ 8086078808 എന്ന നമ്പറിൽ വിളിക്കുമ്പോൾ ലഭിക്കുന്ന എസ്എംഎസ് മെസ്സേജിലെ ലിങ്കോ ഉപയോഗിക്കാം.