സിൻഡിക്കറ്റ് ബാങ്കിൽ സ്പെഷലിസ്റ്റ് ഓഫിസർ തസ്‌തികയിൽ അവസരം. വിവിധ വിഭാഗങ്ങളിലായി 129 ഒഴിവുകളാണുള്ളത്. ജോലിപരിചയമുള്ളവർക്ക് അപേക്ഷിക്കാം. ഓൺലൈനിൽ അപേക്ഷിക്കണം. അപേക്ഷ സ്വീകരിക്കുന്ന അവസാന തീയതി: ഏപ്രിൽ 18. 

മി‍ഡിൽ മാനേജ്മെന്റ് ഗ്രേഡ്–3, മിഡിൽ മാനേജ്മെന്റ് –2 വിഭാഗങ്ങളിലാണ് അവസരം. തസ്തികയും ഒഴിവുകളുടെ എണ്ണവും ഗ്രേഡും ചുവടെ. 

സീനിയർ മാനേജർ (റിസ്ക് മാനേജ്മെന്റ്), 5 ഒഴിവ്, എംഎംജിഎസ്–3.

മാനേജർ (റിസ്ക് മാനേജ്മെന്റ്), 50 ഒഴിവ്, എംഎംജിഎസ്–2.

മാനേജർ (ലോ), 41 ഒഴിവ്, എംഎംജിഎസ്–2.

മാനേജർ (ഐഎസ് ഓഡിറ്റ്), 3 ഒഴിവ്, എംഎംജിഎസ്–2.

സെക്യൂരിറ്റി ഓഫിസർ, 30 ഒഴിവ്, എംഎംജിഎസ്–2.

തിരഞ്ഞെടുപ്പ്: ഓൺലൈൻ ടെസ്‌റ്റ്, ഗ്രൂപ്പ് ഡിസ്‌കഷൻ, ഇന്റർവ്യൂ എന്നിവയുടെ അടിസ്‌ഥാനത്തിലാണു തിരഞ്ഞെടുപ്പ്. തിരുവനന്തപുരത്തും എറണാകുളത്തും ഓൺലൈൻ പരീക്ഷാകേന്ദ്രമുണ്ട്.  നിയമനപ്രക്രിയ സംബന്ധിച്ച കൂടുതൽ വിവരങ്ങൾക്ക് വെബ്‌സൈറ്റിൽ പ്രസിദ്ധീകരിച്ചിട്ടുള്ള വിജ്‌ഞാപനം കാണുക.

അപേക്ഷാഫീസ്: 600 രൂപ. പട്ടികവിഭാഗം/വികലാംഗർക്ക് 100 രൂപ മതി. ഡെബിറ്റ്/ക്രെഡിറ്റ് കാർഡ് മുഖേനയോ ഇന്റർനെറ്റ് ബാങ്കിങ് വഴിയോ ഫീസ് അടയ്‌ക്കണം. ഓൺലൈൻ അപേക്ഷാഫോം പേയ്‌മെന്റ് ഗേറ്റ്‌വേയുമായി ചേർത്തിരിക്കും. ഫീസ് അടയ്‌ക്കുന്നതിനുള്ള നിർദേശങ്ങളും സ്‌ക്രീനിൽ ലഭിക്കും. 

അപേക്ഷിക്കേണ്ട വിധം: www.syndicatebank.in എന്ന വെബ്‌സൈറ്റ് വഴി ഓൺലൈനിൽ അപേക്ഷിക്കുക. അപേക്ഷിക്കുന്നതിനു മുൻപായി വെബ്‌സൈറ്റിൽ നൽകിയിട്ടുള്ള വിജ്‌ഞാപനത്തിന്റെ പൂർണരൂപം കാണുക.