ഐഎസ്ആർഒയുടെ കീഴിലുള്ള ബെംഗളൂരു യു ആർ റാവു സാറ്റ്‌ലൈറ്റ് സെന്ററിൽ (URSC) വിവിധ തസ്തികയിലായി 182 ഒഴിവ്. മാർച്ച് 6 വരെ ഒാൺലൈനായി അപേക്ഷിക്കാം. താൽക്കാലിക നിയമനമാണ്. തസ്തിക, വിഭാഗങ്ങൾ, യോഗ്യത, പ്രായം, ശമ്പളം എന്നിവ ചുവടെ.

ടെക്നീഷ്യൻ ബി: ഇലക്ട്രോണിക്സ് മെക്കാനിക്, ടെക്നീഷ്യൻ പവർ ഇലക്ട്രോണിക് സിസ്റ്റംസ്, മെക്കാനിക് കൺസ്യൂമർ ഇലക്ട്രോണിക് അപ്ലയൻസസ്, മെക്കാനിക് ഇൻഡസ്ട്രിയൽ ഇലക്ട്രോണിക്സ്, ഫിറ്റർ, ഇലക്ട്രിക്കൽ, പ്ലംബര്‍, റഫ്രിജറേഷൻ ആൻഡ് എയർ കണ്ടീഷനിങ്, ടർണർ, മെഷിനിസ്റ്റ് (ഗ്രൈൻഡർ), മോട്ടോർ വെഹിക്കിൾ മെക്കാനിക്, ഫൊട്ടോഗ്രഫി/ ഡിജിറ്റൽ ഫൊട്ടോഗ്രഫി, മെഷിനിസ്റ്റ്, ഇലക്ട്രോപ്ലേറ്റിങ്, വെൽഡർ: എസ്എസ്എൽസി/ എസ്എസ്‌സി/ മെട്രിക്കുലേഷൻ, ബന്ധപ്പെട്ട ട്രേഡിൽ െഎടിഐ/ എൻടിസി/ എൻഎസി (എൻസിവിടി), 18-35, 21,700 രൂപ. 

ഡ്രാഫ്റ്റ്സ്മാൻ ബി: ഡ്രാഫ്റ്റ്സ്മാൻ മെക്കാനിക്കൽ: എസ്എസ്എൽസി/ എസ്എസ്‌സി/ മെട്രിക്കുലേഷൻ, ഡ്രാഫ്റ്റ്സ്മാൻ മെക്കാനിക്കൽ ട്രേഡിൽ  െഎടിഐ/ എൻടിസി/ എൻഎസി (എൻസിവിടി), 18-35, 21,700 രൂപ. 

ടെക്നിക്കൽ അസിസ്റ്റന്റ്: മെക്കാനിക്കൽ, ഇലക്ട്രോണിക്സ്, കംപ്യൂട്ടർ സയൻസ്, ഒാട്ടമൊബീൽ, ഇലക്ട്രിക്കൽ, ഇൻസ്ട്രുമെന്റേഷൻ, സിവിൽ: ബന്ധപ്പെട്ട വിഭാഗത്തിൽ ഒന്നാം ക്ലാസ് എൻജിനീയറിങ് ഡിപ്ലോമ, 18-35, 44,900 രൂപ.

ലൈബ്രറി അസിസ്റ്റന്റ്: ബിരുദം, ഒന്നാം ക്ലാസോടെ ലൈബ്രറി സയൻസ്/ ലൈബ്രറി ആൻഡ് ഇൻഫർമേഷൻ സയൻസ് പിജി/ തത്തുല്യം, 18-35, 44,900 രൂപ.

സയന്റിഫിക് അസിസ്റ്റന്റ്: കെമിസ്ട്രി, ഫിസിക്സ്, ആനിമേഷൻ ആൻഡ് മൾട്ടിമീഡിയ, ഇലക്ട്രോണിക്സ്: ബന്ധപ്പെട്ട വിഷയത്തിൽ ഒന്നാം ക്ലാസ് ബിഎസ്‌സി, 18-35, 44,900 രൂപ.

ഹിന്ദി ടൈപ്പിസ്റ്റ്: ഒന്നാം ക്ലാസോടെ ആർട്സ്/ സയൻസ്/ കൊമേഴ്സ്/ മാനേജ്മെന്റ്/ കംപ്യൂട്ടർ ആപ്ലിക്കേഷൻ ബിരുദം. പത്താം ക്ലാസ്/ ബിരുദ തലത്തിൽ ഹിന്ദി ഒരു വിഷയമായി പഠിച്ചിരിക്കണം അല്ലെങ്കിൽ പരീക്ഷാ മാധ്യമം ആയിരിക്കണം. ഹിന്ദി കംപ്യൂട്ടർ ടൈപ്പിങ്ങിൽ മിനിറ്റിൽ 25 വാക്ക് വേഗം, കംപ്യൂട്ടർ പരിജ്ഞാനം, 18-26, 25,500 രൂപ.

കേറ്ററിങ് അറ്റൻഡന്റ് എ: എസ്എസ്എൽസി/ എസ്എസ്‌സി ജയം/ തത്തുല്യം, 18-26, 18,000 രൂപ.

കുക്ക്: എസ്എസ്എൽസി/ എസ്എസ്‌സി ജയം/ തത്തുല്യം. 5 വർഷം പ്രവൃത്തിപരിചയം, 18-35, 19900 രൂപ.

ഫയർമാൻ എ: എസ്എസ്എൽസി/ എസ്എസ്‌സി ജയം/ തത്തുല്യം, നിശ്ചിത ശാരീരിക ക്ഷമത, 18-25, 19900 രൂപ.

ലൈറ്റ് വെഹിക്കിൾ ഡ്രൈവർ എ: എസ്എസ്എൽസി/ എസ്എസ്‌സി ജയം/ തത്തുല്യം, 3 വർഷം പ്രവൃത്തിപരിചയം, എൽവിഡി ലൈസൻസ്, 18-35, 19,900 രൂപ.

ഹെവി വെഹിക്കിൾ ഡ്രൈവർ എ: എസ്എസ്എൽസി/ എസ്എസ്‌സി ജയം/ തത്തുല്യം, 5 വർഷം പ്രവൃത്തിപരിചയം, എച്ച്‌വിഡി ലൈസൻസ്, 18-35, 19,900 രൂപ.

അപേക്ഷാഫീസ്: 250 രൂപ. ഒാൺലൈനായും ഒാഫ്‌ലൈനായും ഫീസടയ്ക്കാം. വനിതകൾ, പട്ടികവിഭാഗം, ഭിന്നശേഷിക്കാർ, വിമുക്‌തഭടൻമാർ എന്നിവർക്കു ഫീസില്ല. www.isro.gov.in