വനമേഖലയിൽ ദേശാടനം നടത്തുന്ന ചെമ്പുവാലൻ പാറ്റപിടിയൻ (റസ്റ്റി ടെയ്‌ല്ഡ് ഫ്ലൈക്യാച്ചർ) പക്ഷിയെ ചേർത്തലയിൽ കണ്ടെത്തി. പക്ഷി നിരീക്ഷകനായ കെ. ഗിരീഷ്‌കുമാറാണ് ചേർത്തല തെക്ക് ഗ്രാമപഞ്ചായത്തിലെ ഇലഞ്ഞിയിൽ പാടശേഖരത്തിനു സമീപത്തു നിന്നും പക്ഷിയെ കണ്ടെത്തിയത്.

ദേഹം മുഴുവൻ തവിട്ടുനിറത്തിലുള്ള ഇതിന്റെ വാലിന്റെ ഭാഗത്ത് ചെമ്പൻ നിറമാണ്.14 സെന്റിമീറ്റർ വരെ നീളവും 11 മുതൽ 16 ഗ്രാംവരെ തൂക്കവുമാണിതിനുള്ളത്. പ്രാണിവേട്ടയാണ് ഇവയുടെ പ്രധാന ജോലി.

ഒക്ടോബർ മുതൽ ഏപ്രിൽ വരെയാണ് ഇതിനെ കേരളത്തിലെ വനങ്ങളിൽ കാണാം. ജില്ലയിൽ ആദ്യമായാണ് ഈ കുഞ്ഞൻ ദേശാടനപക്ഷിയെ കാണുന്നത്. ഇതോടെ ജില്ലയിലെ പക്ഷി സമ്പത്ത് 295 ആയി.

English Summary: Rusty-tailed flycatcher spotted in Cherthala