മനുഷ്യ മനസ്സിൽ നൻമ ഇനിയും മരിച്ചിട്ടില്ല എന്നതിന് ഉദാഹരണമാണ് ഇപ്പോൾ സമൂഹമാധ്യമങ്ങളിൽ നിറയുന്ന ഒരു വിഡിയോ. കനത്ത മഴയിൽ തണുത്തുവിറച്ചു നിൽക്കുന്ന നായയ്ക്ക് അഭയം നൽകുന്ന കടയുടമയുടെ പ്രവർത്തിയാണ് കൈയടിനേടുന്നത്.

സ്ട്രീറ്റ് ഡോഗ്സ് ബോംബെ എന്ന ഇൻസ്റ്റഗ്രാം പേജിലാണ് ഈ വിഡിയോ പങ്കുവച്ചത്. കഴിഞ്ഞ കുറച്ച് ദിവസങ്ങളായി മുംബൈയിൽ കനത്ത മഴയാണ്. നനഞ്ഞു വിറച്ച് കടയുടെ മുന്നിലിരിക്കുന്ന നായയെ കടയുടമ വാതിൽ തുറന്ന് അകത്തേക്ക് കയറ്റുന്നത് ദൃശ്യത്തിൽ കാണാം. ആദ്യം ഒന്നു ശങ്കിച്ചു നിന്ന ശേഷമാണ് വലാട്ടിക്കൊണ്ട് തെരുവുനായ അകത്തേക്ക് കയറിയിരുന്നത്. 

പലരും സമീപത്തെത്തുന്ന തെരുവുനായകളെ ഉപദ്രവിക്കുന്ന സമയത്താണ് കടയുടമയുടെ ഈ സൽപ്രവർത്തി. പങ്കുവച്ച് ചുരുങ്ങിയ സമയത്തിനകം തന്നെ ഈ ദൃശ്യം ജനശ്രദ്ധനേടി. 

English Summary: Mumbai shopkeeper offers shelter to street dog during heavy rains