കൊല്ലം ജില്ലയിലെ തെൻമല ആര്യങ്കാവ് വനപരിധിയിൽ 9 അടിയോളം നീളമുള്ള രാജവെമ്പാലയെ പിടികൂടി. ഹാരിസൺ ലിമിറ്റ‍ഡിന്റെ തോട്ടത്തിൽ കോക്കോ മരത്തിൽ പതുങ്ങിയിരിക്കുന്ന നിലയിൽ രാജവെമ്പാലയെ ഏറെ പണിപ്പെട്ടാണ് വാവ സുരേഷ് കൈയിലൊതുക്കിയത്. മരത്തിലിരുന്ന പാമ്പിനെ മരത്തിൽ കയറി ശിഖരങ്ങൾ കുലുക്കി താഴേക്കിറക്കിയ ശേഷമാണ് പിടിച്ചത്.

3 വയസ്സോളം പ്രായമുള്ള രാജവെമ്പാലയെയാണിതെന്ന് വാവ സുരേഷ് പറയുന്നു. തന്റെ നൂറ്റിയെഴുപത്തിമൂന്നാമത്തെ രാജവെമ്പാലയെയാണ് കഴിഞ്ഞ ദിവസം സന്ധ്യയോടെ വാവ സുരേഷ് പിടികൂടിയത്. ഫോറസ്റ്റ് അധികൃതരുടെ സാന്നിധ്യത്തിൽ രാജവെമ്പാലയെ ഉൾവനത്തിൽ കൊണ്ടുപോയി സ്വതന്ത്രനാക്കി വിട്ടു.

English Summary: Vava Suresh Captured 173 rd King Cobra