മയിലുകളുടെ നീണ്ട ഇടതൂർന്ന പീലികളുടെ ഭംഗി ആസ്വദിക്കാത്തതായി ആരുമില്ല. കൂടൊരുക്കാനായോ അതോ വെറുമൊരു രസത്തിനായോ ഈ പീലികളിൽ കടിച്ചു വലിക്കുന്ന അണ്ണാന്റെ ദൃശ്യങ്ങളാണ് ഇപ്പോൾ സമൂഹമാധ്യമങ്ങളിൽ ചിരിപടർത്തുന്നത്. പീലിയിൽ നിന്ന് അണ്ണാന്റെ പിടുത്തം വിടുവിക്കാൻ ശ്രമിക്കുന്ന മയിലിനെയും കാണാം. മയിൽ കൊത്തുമെന്ന് ഉറപ്പായപ്പോഴാണ് അണ്ണാൻ പീലിയിലെ പിടിവിട്ട് പിന്നോട്ട് മാറിയത്.

ഐഎഫ്എസ് ഉദ്യോഗസ്ഥനായ സുശാന്ത നന്ദയാണ് പഴയ ഈ വിഡിയോ ട്വിറ്ററിലൂടെ വീണ്ടും പങ്കുവച്ചത്.