കട്ടിലിനടിയിൽ പതുങ്ങി കൂറ്റൻ രാജവെമ്പാല; 197–ാം രാജവെമ്പാലയും വാവ സുരേഷിന്റെ പിടിയിൽ
197–ാം രാജവെമ്പാലയേയും പിടികൂടി വാവ സുരേഷ്. കൊല്ലം ജില്ലയിലെ ആര്യങ്കാവിൽ നിന്നാണ് പാമ്പിനെ പിടികൂടിയത്. കെ എൻ മണീന്ദ്രൻ നായരുടെ വീടിനുള്ളിലാണ് രാജവെമ്പാലയെ കണ്ടെത്തിയത്. വീട്ടുകാർ കാണുമ്പോൾ കട്ടിലിനടിൽ പതുങ്ങിയിരിക്കുകയായിരുന്നു കൂറ്റൻ പാമ്പ്.
വിവരമറിയിച്ചതിനെ തുടർന്ന് ഇവിടെയെത്തിയ വാവ സുരേഷ് രാത്രി 7 മണിയോടു കൂടി പാമ്പിനെ പിടികൂടി. 14 അടിയോളം നീളമുള്ള പെൺ രാജവെമ്പാലയായിരുന്നു ഇത്. പിടികൂടിയ പാമ്പിനെ രാത്രി 10 മണിയോടു കൂടി വനം വകുപ്പ് ഉദ്യോഗസ്ഥരുടെ സാന്നിധ്യത്തിൽ ആര്യങ്കാവ് വനത്തിൽ തുറന്നു വിട്ടു.
English Summary: Vava Suresh rescued 14 feet long King Cobra