ഉത്തർ പ്രദേശിലെ മാലിപൂർ ഗ്രാമത്തിലാണ് ഇരവിഴുങ്ങി അനങ്ങാനാവാതെ കിടന്ന പാമ്പിനെ നാട്ടുകാർ കണ്ടെത്തിയത്. മാനിനെ വിഴുങ്ങിയ പെരുമ്പാമ്പ് കരിമ്പിൻ തോട്ടത്തിനുള്ളിലാണ് പതുങ്ങിയിരുന്നത്. അനങ്ങാനാവാതെ കിടന്ന പാമ്പിനെ നാട്ടുകാർ ചേർന്ന് വടിയെടുത്ത് തല്ലിച്ചതച്ചു. പിന്നീട് അവശനിലയിലായ പാമ്പിനെ തറയിലൂടെ വലിച്ചിഴയ്ക്കുകയായിരുന്നു.

നാട്ടുകാരുടെ ക്രൂരയ്ക്കൊടുവിൽ പെരുമ്പാമ്പിന് ജീവൻ നഷ്ടമാവുകയും ചെയ്തു. പൊലീസുകാർ ഉൾപ്പെടെ നോക്കി നിൽക്കെയായിരുന്നു നാട്ടുകാരുടെ ആക്രമണം. പ്രദേശവാസികളിലാരോ പകർത്തിയ ദൃശ്യം സമൂഹമാധ്യമങ്ങളിൽ പങ്കുവച്ചതോടെ സംഭവത്തിനെതിരെ വ്യാപകമായ പ്രതിഷേധമാണുയരുന്നത്.

English Summary:  Python that had just swallowed deer dragged by villagers, dies