ഉടമയ്ക്കൊപ്പം ഡാൻസിന്റെ ചുവടുകൾ അനുകരിക്കുന്ന പോലെ തുള്ളിച്ചാടുന്ന എരുമയുടെ ദൃശ്യമാണ് ഇപ്പോൾ സമൂഹമാധ്യമങ്ങളിൽ ചിരിപടർത്തുന്നത്. മധ്യപ്രദേശിലെ ഗ്രാമത്തിൽ നിന്നുള്ള ദൃശ്യമെന്ന രീതിയിലാണ് വിഡിയോ പ്രചരിക്കുന്നത്. പാാട്ടുപാടി ന‍ൃത്തം ചെയ്യുന്ന ഉടമയായ യുവതിക്കൊപ്പമായിരുന്നു എരുമയുടെ തകർപ്പൻ പ്രകടനം. യുവതി നൃത്തം ചെയ്യുമ്പോൾ എരുമ ആവേശത്തോടെ തുള്ളിച്ചാടുന്നതു കാണാം.

എരുമയുടെ പുറത്തിട്ടിരുന്ന പുതപ്പ് യുവതിക്കൊപ്പം തുള്ളിച്ചാടുന്നതിനിടയിൽ ഊർന്നുപോകുന്നു, യുവതി പ്രോത്സാഹിപ്പിക്കുമ്പോൾ വീണ്ടും എരുമ ചാടുന്നതും കാണികളിൽ ചിരിപടർത്തുന്നു. വിഡിയോയുടെ പശ്ചാത്തലത്തിൽ കുട്ടികൾ എരുമയുടെ ഡാൻസ് കണ്ട് പൊട്ടിച്ചിരിക്കുന്നുണ്ട്. മറ്റൊരു എരുമയും സമീപത്തുണ്ടെങ്കിലും അത് ഇതിലൊന്നും ഉൾപ്പെടാതെ അനങ്ങാതെ നിൽക്കുകയാണ് ചെയ്തത്. രസകരമായ ഈ ദൃശ്യം ഇപ്പോൾ തന്നെ നിരവധിയാളുകൾ കണ്ടുകഴിഞ്ഞു.

English Summary: Hilarious! This buffalo dancing with owner will make you laugh out loud